Accessibility links

Кайнар хәбәр

27 yıl eşlägän Concorde oçqıçları "yalğa çığa"


Şuşı minutlarda Londonnıñ Heathrow hawa alanına soñğı okean-aşa säfären başqarğan Concorde oçqıçı töşte. 3 säğät-yarım elek ul New Yorknıñ JFK alanınnan kütärelgän ide. Tawış tizlegennän dä tizräk oçqan, oçlı-borınlı bu "timer qoşlar", 27 yıl xezmät itkännän soñ, qullanıştan çığarıla. Hawa kompaniälärenä alarnı totu artıq qimmätkä töşä başladı. 18 çaqırım bieklektä oça torğan bu oçqıçta 3 sägät yarımda Londonnan New Yorkka barıp citep bula ide. Barıp-qaytunıñ bäyäse 11 meñ dollar çaması. Şuşı 27 yıl eçendä barlığı 16 Concorde tözelde. Alarnı Air France belän British Airways kompaniäläre qullandı. Fransuzlar Concorde'ta oçularnı şuşı yılnıñ Mayında uq tuqtatqan ide.
XS
SM
MD
LG