Accessibility links

Кайнар хәбәр

Ğıraqta Saddamnan soñ berençe ramazan


Dönyada ber milliardtan artıq möselman yaña aynıñ kürünüe belän uraza ayına kerde.Bıyıl berençe bulıp Mısır,Yordaniä, Sudan kerse Suğut Ğäräbstäne , Bahrain, Ğıraq , Livan, Qatar kebek illär bugennän başlap uraza tota. Töreklärneñ 11aynıñ sultanı dip yöretkän izge ramazan ayınıñ bıyıl ğıraqlılar öçen mäxsus mäğnäse bar.Saddam xakimiättän çitlätelgännän soñ berençe ramazan ayı turında ğıraqlılar närsä äytä, närsä uylıy

Ramazan islam kalendarında 9nçe ay . Qor''änneñ xz Möxämmätkä ingän waqıt dip inanıla.Qoyaş tuuı belän qoyaş batuı arasında aşaw, eçü, tämäkä tartu, cinese mönäsäbätlärdän tıyılu , barlıq möselmannar öçen urtaq bulsa da , iftar,awız açudan sonğı traditsiälär möselman illärendä üzgärä. Bıyıl ramazan ğıraqlılar öçen ayrım ähämiätkä iä Saddam Xösäinneñ sekular rejimı, möselmannarnı küp kenä traditsiä, ğäref ğädätlärdän mäxrüm itkän ide. Ğıraqta şığı mäzhäbendäge Raşa radiobızğa bolay dip söyläde:(audio) 102520 Saddam ramazannıñ qayçan başlanaçağın üze qarar birä ide. Misal öçen ägär dä ul düşämbe dip qarar birgän ikän, uraza düşämbe başlana ide, bezneñ şığı imam bälkim dä sişämbe yäki çärşämbe başlana dip äytsä dä, Saddam düşämbe dip belderä ide. Bagdadta bıyıl awız açu, iftar waqıtı tup atu belän bilgelänäçäk. Kultura,mädäni ayırmalıqlarğa tieşle ähämiät birmäwdä ğäyeplängän amerikan soldatlarına möselmannarnıñ izge ayı başlanğınçı mäğlümät birelde , kiräkle mäğlümät birelde, alarğa razaman ayında eşçälär aldında su eçmäskä, köndez tämäkä tartmasqa digän kiñäşlär birelde. Möselmanlıq turındağı kurstan soñ kalifornialı serjant Jonson bälkim min dä ber kön uraza totıp qararmım digän ide.Brigadir general Frank Hlemick soldatlarbız belän bergä ramazan ayında quldan kilgän xörmätne kürsätergä tırışırıbz, mäçet ğıybadätxanälärgä yaqın kilmäbez, alar yanında aşap eçmäbez dip söyläde, ämma bez dä ğıraqlılarnıñ ramazan ayında qoralların qullanmawların sorıyıbz dip äytkän Reuter jurnalistına . Ni ğızğanıç ki Ğıraq-bigräk tä Bagdadta inde ikençe kön bomabalar şartlıy, raketalar oça, distälärçä keşe heläk bula. Ğıybadät qılınğan izge ay ramazan bik qanlı başlanıp kitte. Şulay da küp kenä ğıraqlılar ramazannı şatlanıp kötte häm uraza totaçaqların belderde.Uraza totu küp kenä restoran, aşxanä, ,çäyxanälär öçen çiklängän eş säğätlären añlata. Ğıraq İdarä Şurası restoranlarnıñ bu ayda niçek eşliyäçäkläre turında qağıydälär bilgeläde. Bagdadtnıñ Mansur maxalläsendä Al Azam restoranı menecerı Abdul karim süzlärençä (audio) eş säğätläre älbättä üzgärä , eş säğätläre idarä şurası bilgelägänçe bulaçaq . Barlıq restorannar köndez yabıq, alar iftardan yartı säğät elek kenä açılaçaq. Karim restoran töştän soñ eşli başlayaçaq , ämma iftar waqıtnda ğına aş biräçäkbez, tönlärne ozaqraq eşliäçäkbez dip söyli. Aqçalata kerem azaysa da Karim ğıraqlılar berençe märtäbä irekle räweştä bu aynı bäyräm itä alaçaq dip äytep bolay dide (audio) 102522 Bu Saddam bärep töşerelgännän soñ berençe ramazan , bez andıy närsä yäşämädek äle, İnşallah ramazanda iminlek bulır, mäğnäse başqa bulır , belgänegezçä ramazan ayında köndez tügel ä tönnär qızıq , iftardan soñ xalıq qunaqqa yöri İnşallah bıyıl ütkän yılğa qarağanda yaxşıraq bulır. AQŞ citäklägän koalitsiä köçläre ramazan ayın tanıp,Bagdadta tönge 12 belän irtänge 4 arasındağı komendant säğäten köçtän çığardı.Çönki Ğıraqta ramazanda tönne dus, qardäşlär yanına qunaqqa yörü traditsiäse bar Bagdadttağı AQŞ administratsiäse üzendä eşläwçe meñnnärçä ğıraqlığa 60dollar ramazan büläge birmäkçe.Ramazan ayında Ğıraq politsiäse bigräk tä iftardan soñ şähär canlanıp,kiçke tormış başlanğaç eşebez küp bulaçaq dip söylägän ide aldan ,Bagdadtnı ike kön selketkän bombalar politsiäneñ köndez dä eşeneñ küp buluın kürsätä

färidä xämit,praga
XS
SM
MD
LG