Fälestin citäkçese Yasir Arafat, waqıtlı xökümätneñ möddäten ozaytıp torırrğa buldı. Ber aylıq möddät bügen tön urtasında çığası ide. Ämmä yaña xökümät älegäçä tözelmägän. Töp qarşılıq eçke eşlär ministrı belän bäyle. Fälestin suğışçılarına qarşı küreläse çaralarda, bu ministr töp rol uynar dip kötelä. Premier-ministr Äxmät Queri bu urınğa general Nasser Yosıfnı quyarğa teli, Arafat moña qarşı çığa. Arafatnıñ yärdämçese Nabil Äbü Rudeina süzlärençä, Arafat, yaña xökümät tözelep betkänçe premier-ministr Äxmät Qureinı eşen däwam itergä sorağan.
