Bu turıda bügen Törkiä tışqı eşlär ministrlığı wäkile Xösäen Dirioz xäbär itte. Anıñ süzlärençä, bu qarar uzğan töndä, Törkiä tışqı eşlär ministrı Abdulla Gülneñ Quşma Ştatlar däwlät sekretare Colin Powell belän telefon aşa bulğan söyläşüennän soñ qabul itelgän. Söyläşüneñ neçkälekläre xäbär itelmi. Uzğan ayda Törkiä xökümäte Ğiraqqa 10 meñläp xärbien cibärergä qarar itkän ide. Ämmä Ğiraqnıñ İdarä Şurası moña kisken qarşı çıqtı.
