Bügen Yaponiädä parlamentnıñ tübän palatasına saylawlar ütte. Yapon premier-ministrı Yuniçiro Koizumi, 3 partiädän torğan koalitsiä parlamentta küpçelekne alır, digän ömet belderde. Soñğı fiker beleşügä qarağanda, Liberal-Demokratlar citäklägän koalitsiä 250-dän alıp 278-gä qädär urın alırğa mömkin. Moña qädär alar 480 urınlı palatada, 287 urın alıp tora ide. Opozitsiädäge Demokratlar partiäse bu yulı kübräk, 200-läp urın alır dip kötelä. Moñarçı alarnıñ 137 urın ide.
