Accessibility links

Кайнар хәбәр

Dumağa saylaualdı kampaniäse başlandı


7-nçe Noyäberdä Russiädä politik partiälär saylaualdı kampaniäsen başlap cibärdelär. Kampaniäneñ başlanuı, xäzer tatulaşu häm kileşü dip atalğan Üktäber revolutsiäse könenä turı kilde. Politik partiälär bu könne saylaualdı mitingları ütkärü öçen faydalandılar. Radiobıznıñ Mäskävdäge xäbärçese şuşı mitinglarda qatnaştı.

Yabloko partiäse Puşkin maydanındağı mitingın Beatleslarnıñ cırı belän başlap cibärde.

Audio

Läkin, optemistik ruxtağı cır oppozitsiä aktivistı Aleksander Zaxarovnıñ süzlärenä ber dä turı kilmi.

Audio

200 caması Yabloko taraftarı qatnaşqan ciında partiä citäkçese Vladimer Yavlinskiy prezident Putin xökümäte küz aldında totqan demokratiä yalğan digän fiker belderde.

Audio

Moña çaqlı vatandaş xoquqların yaqlauğa berençel ähämiät birgän Yabloko belän xosusi milekçelek mäsäläsen töp maqsät itep quyğan Uñ Köçlär Berlege üzara kileşä almıyça bäxäsläşep tordılar. Comğa könge mitingta ike patiäneñ dä eşlekleläre qatnaştılar häm SPSnıñ citäkçese Nemtsov xezmättäşlekne kiñäytünä yaqladı.

Audio

Puşkin maydanınan berniçä kilomtr yıraqlıqtağı Lubyanka Maydanında isä kommunistlarnıñ ciını ütte. Partiäneñ şiğarı da ber az üzgärde. Anda sovetlarğa xakimiät , xalıqqa ikmäk , xezmät iälärenä eş häm xalıqqa tınıçlıq dip yazılğan de. Oçraşu sovet marşı belän başlandı, läkin, qayberövlär anıñ süzlären onıtqan buluğa oxşıy.

Audio

Xätta partiä citäkçese Zyuganov ta kommunistlarnıñ kampaniäsendä Allahnı da telgä aldı.

Audio

Ciınnarnıñ iñ zurısı Kreml yaqlı Berdäm Russiä tarafınnan oyıştırıldı. Şuşı konferensiädä ministerlär , şul sanda isemlektä berençe urında torğan Eçke Eşlär ministere Boris Grızlov ta qatnaştı. Ul partiäseneñ televiziädä politik debatlarğa qatnaşunı kire qağuınıñ säbäben bolay dip añlattı

Audio

Berdäm Russiä Keml divarı yanında pop konsert ta oyıştırdı. Anda nigezdä äle saylau yäşenä citmägän yäşüsmerlär qatnaştılar. Ä inde cırcı Larissa Dolina mäxäbät çırın tügel, ä patriotik cır cırladı.

Audio

Şulay itep Duma öçen saylaualdı kampaniäse başlandı. Saylaularğa ber ay vaqıt qalğanda, Dumağa kerü öçen kiräk bulğan biş protsentlıq kirtäne älegä Berdäm Russiä belän Kompartiäneñ genä ütäçäge mülum. Qalğan partiälärneñ yazmışı bilgesez.

Färit İdelle, Praga.
XS
SM
MD
LG