Parlament binası haman da oppozitsiä tarafdarları qulında, anıñ qarşında bertuqtawsız uram cıyını bara häm Nino Burcanadze yäkşämbedä televideniä aşa Gruziä xalqına möräcäğät yasap, keşelärne parlament binası qarşına cıyıluğa çaqırdı.
Audio, Nino Burcanadze
"Min bar Tbilisi häm Gruziä xalqın küpläp parlament binası qarşına cıyılırğa çaqıram, çönki şulay küpläp cıyılu häm andağı keşelärneñ äwzem yaqlawı ğına xökümätneñ üz keşelärenä qarşı çaralar kürüwenä kirtä bula ala" di Gruziä oppozitsiäse tarafınnan däwlät başlığı itep bilgelängän Nino Burcanadze. Gruziä oppozitsiäseneñ ikençe ber möhim wäkile Mixail Saakaşvili ildäge soñğı xällärne tınıç, qoral qullanmıy ğına ütkärelgän "bärxät inqilabı" dip atıy. Kiçä ul Tbilisidäge waqiğälärne 1989-nçı yılğı Çexoslovakiä belän çağıştırsa, bügen CNN telekanalına, Gruziädäge wäzğiat mäğlüm serb prezidentı Slobodan Miloşeviçne xakimiattän çitlätüne xäterlätä dip belderde. Oxşaşlıqlar çınnan da şaqtıy - Serbiädä dä, Gruziädä dä säyäsi krizis, saylaw näticälären bozu ğäyepläwläre belän başlandı. İke oçraqta da xakimiat krizisı oppozitsiäneñ parlament binaların yawlap aluwına kiterde. Häm tağın ber urtaqlıq - aralaşu yardäme belän anda da, monda da Rusiäneñ tışqı eşlär ministrı İgor İvanov yörgän ide. Belgradta bu Miloşeviçneñ xakimiattän kitüwe belän tögällände, xäzer inde Gruziä oppozitsiäse dä İvanovneñ söyläşüläre Şevardnadzeneñ prezidentlıqtan waz kiçüwenä kiterer dip ömetlänä. İrtän İvanov kötmägändä parlament qarşında cıyılğan keşelär qarşına çıqtı, annarı Eduard Şevardnadze häm oppozitsiä citäkçeläre belän oçraştı häm şunnan soñ, "iñ yaxşı yul, prezident häm oppozitsiä citäkçeläreneñ ber-berse belän turı söyläşülär ütkärüwe" dip belderde.
Audio, İgor İvanov
Soñraq Şevardnadze üzeneñ, ildä prezident saylawların waqıtınnan alda ütkärü ixtimalın tikşerergä äzer buluwın belderde. Ämma ul, bu xaqta söyläşülär barı tik, oppozitsiä tarafdarları kiçä yawlap alğan parlament binasın azat itkännän soñ ğına başlana ala digän taläp quya. Läkin äle kiçä genä, yaña saylawlarğa qädär Şevardnadze üz urınında qala ala digän oppozitsiä, ayırım alğanda şul uq Mixail Saakaşvili xäzer inde, "söyläşülär öçen soñ" dip belderä häm üz tarafdarların, ägär dä prezident üz urınınnan kitmäsä, ul yäşägän urınğa cıyılırğa çaqıra.
Kärim Kamal
Audio, Nino Burcanadze
"Min bar Tbilisi häm Gruziä xalqın küpläp parlament binası qarşına cıyılırğa çaqıram, çönki şulay küpläp cıyılu häm andağı keşelärneñ äwzem yaqlawı ğına xökümätneñ üz keşelärenä qarşı çaralar kürüwenä kirtä bula ala" di Gruziä oppozitsiäse tarafınnan däwlät başlığı itep bilgelängän Nino Burcanadze. Gruziä oppozitsiäseneñ ikençe ber möhim wäkile Mixail Saakaşvili ildäge soñğı xällärne tınıç, qoral qullanmıy ğına ütkärelgän "bärxät inqilabı" dip atıy. Kiçä ul Tbilisidäge waqiğälärne 1989-nçı yılğı Çexoslovakiä belän çağıştırsa, bügen CNN telekanalına, Gruziädäge wäzğiat mäğlüm serb prezidentı Slobodan Miloşeviçne xakimiattän çitlätüne xäterlätä dip belderde. Oxşaşlıqlar çınnan da şaqtıy - Serbiädä dä, Gruziädä dä säyäsi krizis, saylaw näticälären bozu ğäyepläwläre belän başlandı. İke oçraqta da xakimiat krizisı oppozitsiäneñ parlament binaların yawlap aluwına kiterde. Häm tağın ber urtaqlıq - aralaşu yardäme belän anda da, monda da Rusiäneñ tışqı eşlär ministrı İgor İvanov yörgän ide. Belgradta bu Miloşeviçneñ xakimiattän kitüwe belän tögällände, xäzer inde Gruziä oppozitsiäse dä İvanovneñ söyläşüläre Şevardnadzeneñ prezidentlıqtan waz kiçüwenä kiterer dip ömetlänä. İrtän İvanov kötmägändä parlament qarşında cıyılğan keşelär qarşına çıqtı, annarı Eduard Şevardnadze häm oppozitsiä citäkçeläre belän oçraştı häm şunnan soñ, "iñ yaxşı yul, prezident häm oppozitsiä citäkçeläreneñ ber-berse belän turı söyläşülär ütkärüwe" dip belderde.
Audio, İgor İvanov
Soñraq Şevardnadze üzeneñ, ildä prezident saylawların waqıtınnan alda ütkärü ixtimalın tikşerergä äzer buluwın belderde. Ämma ul, bu xaqta söyläşülär barı tik, oppozitsiä tarafdarları kiçä yawlap alğan parlament binasın azat itkännän soñ ğına başlana ala digän taläp quya. Läkin äle kiçä genä, yaña saylawlarğa qädär Şevardnadze üz urınında qala ala digän oppozitsiä, ayırım alğanda şul uq Mixail Saakaşvili xäzer inde, "söyläşülär öçen soñ" dip belderä häm üz tarafdarların, ägär dä prezident üz urınınnan kitmäsä, ul yäşägän urınğa cıyılırğa çaqıra.
Kärim Kamal