Tatarstan Däwlät Sovetında kiläse yılğa byudjet ikençe uqılışta raslanğaç, matdi xällärneñ nindi buluına açıqlıq kerde. Säyäsi säbäplärdän yalğa çıqqan Mintimer Şäymiev “Berdäm Rusiä” firqäseneñ abruyın kütärü östendä eşli. Şul uq waqıtta Rusiäneñ baş energetigı Anatoliy Çubays, xalıqnıñ häm Mäskäw kremleneñ mäxäbbäten yawlamasa da, Qazanğa kilep, bik eşlekle söyläşülär alıp bardı. Xäzerge Rusiä Duması Çubaysnı eştän quarğa qarar äzerlägän waqıtta, anıñ Tatarstan citäkçelege belän aralaşuı üze ber xikmätle xäl.
