Accessibility links

Кайнар хәбәр

Radiotıñlawçılar piketqa çıqtı


Saylaw kampaniäseneñ radiotıñlawçılar öçen uñaysızlıq tudırğan yaqları da bar. Tatar ictimaği üzägeneñ aktivistları Tatarstan däwlät radiosınıñ raspisaniese üzgärügä qarşı piketqa çıqtılar. Bigräk tä irtänge säğät altıda, ğädättä Tatarstan gimnı uynatıp, tapşırular başlana torğan waqıtta Rusiä radiosı söyli başlaw, irtänge cide säğät belän sigez arasında, Tatarstan radiosınıñ iñ qızıqlı tapşırularınıñ efirdan alınuı tınlawçılar öçen caysızlıq uyata ikän. Azatlıq radiosınıñ translyatsiäsen tuqtatu mömkinlege dä alarnı xafağa salğan. Piketçılar başta İrek mäydanına, annan soñ Tatarstan radiosı yanına kilgännär. Piketçılar belän söyläşergä Tatarstan teleradiotapşırular kampaniäse citäkçese Ayrat Sibğätullin çıqqan. Ul raspisanie saylaw aldınnan, 5nçe dekabergä qädär genä üzgärüe turında äytkän. Ämma barıber älege saylawlarnıñ soñğı tapqır bulmawı, xäzer Rusiä radiosı çeltärenä küçü ser tügel. Federal' üzäk belän Tatarstan mönäsäbätlärenä, respublika möstäqillegeneñ çiklängän buluına belän bäyle bu xäl bik qatlawlı.
XS
SM
MD
LG