Accessibility links

Кайнар хәбәр

Qazan şähäreneñ İdel buyı okrugınnan baruı turında


27 sanlı saylaw okrugı jurnalistlar telendä “27 xärbi saylaw okrugı” diep yörtelde. Çönki bu okrugtan utızdan artıq nämzät terkälergä teläk belderdelär, şularnıñ yartısı 14 terkälügä ireşte. Terkälüçelär arasında Rusiä däwlät Dumasınıñ ğämäldäge 3 deputatı- İvan Graçev, Aleksandr Saliy, Sergey Şaşurin; Tatarstan Däwlät Şurası deputatı Aleksandr Ştanin. Nämzätlärneñ başqaları da qalışırlıq tügel- tanılğan eşmäkärlär- Aleksandr Sapogovskiy, Ayrat Xayrullin. Şuña kürä saylaw aldı kompaniäse suğış qırındağı wäzğıätne xäterlätte. Saylawlarğa un kön çaması qala ğına SPS firqäse quşuınça Aleksandr Ştanin nämzätlär isemlegennän töşte. Saylawlarğa 5 kön qala Tatarstan Yuğarı mäxkämäse Sergey Şaşurinnı saylawçılarnı satıp alu faktları öçen nämzätlektän çığarıluı turında qarar çığardı. Älege qararğa apellyatsiä şimbä könne genä Mäskäwdä Rusiä Yuğarı mäxkämäsendä qaraldı häm Şaşurinnıñ nämzätlär isemlegennän çığarıluı saylawlar başlanırğa sanawlı säğätlär qalğanda ğına raslandı. Tatarstannıñ 27 saylaw okrugında saylaw aldı wäzğıäte menä şundıy ide. 7 dekaber 27 İdel buyı saylaw okrugınıñ üzäge İdel buyı rayonınıñ 10 mikrorayonı. Xalıq telendä bu urın şähärneñ yoqı rayonı rayonı dip yörtelä. Monda 200 meñnän artıq keşe yäşi. Öylärenä yal itärgä yoqı tuydırırğa qaytqan xalıq bigräktä yal könnärendä irtä quzğalmıy. Köndezge unberlär tiräsendä dä 10 mikrorayonnıñ “İctimaği üzäk“ dip yörtelgän cirendä xalıq äz ide. Хәттa saylaw könnärendä aqırta torğan popmuzıqa da aqırmıy. 349 saylaw uçastogına keräbez. Yort häm fatir sannarı kürsätelgän öställär yanına kiläbez. A. İşetüegezçä xalıq az bulsa da añlaşmawçılıqlar küp. Bez şunda uq, qayda saylarğa tieşle ikännären belmiçä aptırap yörgän saylawçılarğa tap buldıq. Byulletennär alıp xäläl cefetem belän bergä yäşeren tawış birü öçen köylängän çıbıldıq eçenä kerep kitäbez. Biregä ike keşe bergä kerergä yaramıy- bu saylaw tärtiben bozu. Läkin bezgä beräwdä kilep iskärtü yasamadı. Jurnalist yöklämälären ütäw nisbätennän küzätüçelär östäle yanına kiläm. Şulay itep barı tik İvan Graçev küzätüçeläre genä urnalarğa byulleten' saluçılarnı isäpkä alıp utıralar. Alar isäbençä 349 uçastokta köndezge unikençe yartığa 683 keşe tawış birgän. Axırda saylap çığıp baruçı ber olı keşe belän äñgämä täqdim itäm. Räsmi mäğlümlät çaraları 27 İdel buyı saylaw okrugında 7 dekaber köndezge säğät 11 barlıq saylawçılarnıñ 6 protsentı çaması tawış birde dip xäbär ittelär.
XS
SM
MD
LG