G.Bush terrornı yaqlawçı illärne zolım kuçäre dip atıy , Ğıraq, Liviä, İran ,Sudan Suriä, T.Korea häm Kuba şul isemlektä tora. Ğıraq suğıştan soñ demokratik il bulu yulına bastı. Tripoli comğa könne ximik, biologik häm atom qoralları programmasınnan waz kiçüen iğlan itte. Livie Ğıraq suğışı waqıtında bu turıda AQŞ vä Britaniä belän yäşren söyläşülär başlıy häm Saddam totılğannan ber niçä kön ütkäç üz qararın iğlan itä. Älbättä Tripolinıñ bu adımın distälärçä yıl izolatsiädä qaldırılu häm sanksiälärdän soñ dönya cämäğätçelegenä yañadan quşılu teläge belän dä añlatıp bulğan kebek , Muammer Qadafi Saddamnan soñ çirat mindä bula ala dip uylağan dip tä äytep bula. Waşington belän Tripoli arasındağı diplomatik mönäsäbätlär 1981nçe yılda Şotlandiädä pasajir oçqıçınıñ bombalanıp 270 keşeneñ häläk buluınnan soñ özelde. AQŞ Liviägä çikläwlär kertte. İke distä yıldan soñ Liviä bıyıl bombalaw öçen cawaplılıqnı üz östenä alıp , qorbannarnıñ ğailälärenä 2milliard 700 million dollar kompensatsiä tüläde. Şunnan soñ BMO sanksiälärne köçtän çığardı. ämma AQŞnıqılar äle dä üz köçendä.11nçe sintäber höcümennän soñ Sudan Waşingtonğa yaqınlaşu säyäsäten sayladı. Terror oyışmaların yaqlawnı tuqtattı. AQŞ yaqlağan tınıçlıq kileşüe ildä 20yıl däwam itkän watandaşlar suğışın tuqtatırğa tora. İran da bilgele bulğança Bushnıñ zolım kuçäre dip atağan illär isemlegendä. Qatı diplomatik basım näticäsendä Tehran üktäber ayında östämä protokolğa qul quyıp , BMO inspektorlarına üzeneñ atom programmasın tikşerü röxsäten birde.AQŞ bu adımnı xupladı, Ämma Däwlät Departamentı süzçese R.Boucher bu äle berençe ber adım ğına dip äytte. Ämma T.Korea belän Süriä älegä berençe adımnı atlamadılar .Dikäberneñ 12dä G.Bush Ğıraqtağı ğıysyançılarnı yaqlıy dip Damasknı cazalandıru qararına qul quydı. Ekonomik häm diplomatik sanksiälär qayçan ğämälgä quyılaçaq prezident älegä qarar birmägän.Tışqı mönäsäbätlär Şurasınnan Judith Kipper süzlärençä Ğıraq suğışı belän strategik pozitsiä üzgärde , Damask AQŞ armiäseneñ üz çiklärendä toruın onıtqan buluğa oşıy. T.Koreanıñ atom qoralları turında Yaponiä, Qıtay , Russiä häm AQŞ qatnaşlığında barğan söyläşülärdä älegä uñış yuq. Kuba - Amerika mönäsäbätläre salqın suğış däwrendäge kebek, Läkin Waşington Kubadan üzenä qurqınıç kürmi. . Ğäräb häm möselman illäre Liviä atlağan adımnı xuplap , izraelneñ küpläp üterü qorallarınnan waz kiçüe öçen xalıqara basımnı arttırırğa çaqıra .Yaqın könçığışnıñ küp kenä illäre qoral programmaları üz saqlanuları öçen möhim dip qarıy, şunlıqtan töbäktä iminlek ölkäsendä nigezle üzgäreşlär bulsa ğına qoralsızlanuğa ireşep bulaçaq dip äytergä mömkin
färidä xämit,praga
färidä xämit,praga