Rusiädä xatın-qızğa qarşı köç qullanu mäsäläse

Mäskäwdä krizis üzägendä Vika isemle yäş xanım söylägännärennän özek :(audio) Şuşı insidenttan soñ Vika öyennän çığıp kitä Krizis üzäge aña irennän ayrılırğa yardäm itä. Vika bugen Mäskäwdä xosusi ber mäktäptä biologiä uqıtuçısı bulıp eşli Rusiädä xatın qızğa qarata arta barğan köç qullanu cämğiätneñ xatın qızğa qaraşın çağıldıra.Mäskäwdä urnaşqan köç qullanunı tuqtat isemle krizis üzäge advokatı Aleksandra Kareva xatın qıznı uñay köçle itep kürsätkän sovet propagandasınıñ urınıñ yaña itäğätkär imiç aldı. xatın qız sex obyektı, cıştıruçı, idän yuwıçı häm uqıtuçuğa äylände di Kareva(audio) Advokat Kareva sovetlar waqıtında xatın qıznıñ xäle yaxşı buludan yıraq ide, Xatın qız qollar kebek eşläde. Ämma sovetlarnıñ propaganda afişalarında misal öçen xatn qıznıñ traktor yöretüçe itep kürsätü hiç bulmağanda xatın qız köçle häm aktiv digän imiç birä ide. Xatın qız bügen törle berberesenä qapma qarşı kündermälär belän bombalana, ul üzeneñ xoquqları turında imin tügel. Bügen yäş xatın qız xezmät urınında kontraktqa qul quyğanda kievgä çığu, bala tudırunı tıyğan maddälär bula.. Bu älbättä qanuni tügel. Rusiädä köç qullanu qorbannarı bik siräk xoquqların ezli, köçlängän xatın qız cirle militsiäneñ fikerennän bäyle , mäxkämädä isä xakim köç qullanu qorbanı xatınğa iren belän kileş digän kinäş birep utıra. Rusiädä iren qıynıy ikän dimäk sine yarata digän axmaq süz äle dä popular. Aleksandra Kareva barlıq problemalar öçen Rusiäneñ patriarxal , traditsiäläre ğäyeple digän fiker belän kileşmi, ul monda sotsial häm ekonomik ölkädä imin bulmaw bik zur rol uynıy digän qaraşta. Ul Rusiädä arta barğan sanda xatın qıznıñ gazetalardağı eş iğlannnarına cawap birep, yış qına keşe säwdägärlärenä elägüen söyli (audio) Yurist Kareva Rusiä parlamentı xatın qıznñ xoquqların yaqlaw , anıñ satusın kütärü öçen bik az eşläde di. Ämma qayçaqta zakonnar da xätta progresiv bulğannarı da tiskäre täsirne aldan kürä almi.Küptän tügel genä kriminal kodnı reformalaw , Rusiäneñ aqrın eşlägän mäxkämä sistemasın tizlätü mäqsatın quya häm militsiägä qorbannarnı ''xalıq mäxkämäsenä '' cibärü mömkinçelegen birä. Kareva praktikada bu qorbannıñ prokurorı da, advokatı da yuq digän süz dip äytä. Öydä ezärleklängän xatın kürşeläre buyınça yörep , üzeneñ qıynalğan buluı turında dälillär cıyıp isbatlarğa tieş. Yäğni ul politsiä dä , prokuror da , advokat ta bulırğa tieş .

färidä xämit, praga