Äfğanstannıñ Olı Mäclese, Loya Cirğa delegatları konstitutsiäne äzerläw mäs'äläsendä eşne tämamlıy, dip xäbär itelde. Mäcles räisläreneñ berse, Safir Siddiqi äytüençä, 502 delegat 10 törkemgä bülenep ilneñ töp qanunın äzerläde. Eş näticäläre irtägä iğlan iteler dip kötelä, annan soñ mäcles tawış biräçäk. Konstitutsiä komissiäse sekretariatı başlığı xäbär itüençä – iñ küp bäxäs Äfğanstanda nindi xökümät tözü mäs'äläsendä tuğan.Waqıtlı prezident Hamid Qarzai, ägär dä konstitutsiä nıqlı prezident sistemasın tä'min itsä genä prezident saylawlarında namzät bularaq qatnaşaçağın belderde. Delegatlarnıñ qayberläre ildä - köçle premyer-ministr häm parlament xakimiäten buldırırğa teli.
