Bügen pravoslav xristiannarınıñ Raştuası uñayınnan çirkäwgä barğanda Gruziäneñ yaña saylanğan prezidentı Mixail Saakaşvili elekke ilbaşı Eduard Şevardnadze belän dä oçraştı. Qısqa ğına oçraşudan soñ alar ikese dä, şulay uq xäzer prezident wazifaların başqaruçı Nino Burjanadze belän bäyräm wağäzen tıñladı, dip xäbär itelä.
Yevropa Berlege, Gruziädä waqıtınnan alda uzğan prezident saylawların xupladı, tawış birü näticäläre – Gruziäneñ Berlek belän tağın da yaqınlaşa aluına mömkinleklär tudırdı, dip belderde. Belderüdä şulay uq , Yevropa Berlege Gruziä belän mönäsäbätlärne nığıtırğa teli, dielä. Gruziäneñ yaña citäkçelegenä nindi yardäm kürsätä aluların üz küzläre belän kürer öçen Tbilisiğa Berlekneñ Könyaq Kavkazdağı maxsus wäkile Heikki Talvitie baraçaq.
Quşma Ştatları, Gruziäneñ tışqı burıçların tüläw waqıtı mäs'äläsendä söyläşülär uzdırırğa ber şart belän riza bulaçağın belderde. Anıñ öçen Gruziä Xalıqara Valyuta Fondı programmasın qabul itergä tieş.
Yevropa Berlege, Gruziädä waqıtınnan alda uzğan prezident saylawların xupladı, tawış birü näticäläre – Gruziäneñ Berlek belän tağın da yaqınlaşa aluına mömkinleklär tudırdı, dip belderde. Belderüdä şulay uq , Yevropa Berlege Gruziä belän mönäsäbätlärne nığıtırğa teli, dielä. Gruziäneñ yaña citäkçelegenä nindi yardäm kürsätä aluların üz küzläre belän kürer öçen Tbilisiğa Berlekneñ Könyaq Kavkazdağı maxsus wäkile Heikki Talvitie baraçaq.
Quşma Ştatları, Gruziäneñ tışqı burıçların tüläw waqıtı mäs'äläsendä söyläşülär uzdırırğa ber şart belän riza bulaçağın belderde. Anıñ öçen Gruziä Xalıqara Valyuta Fondı programmasın qabul itergä tieş.
