Ayatolla Ali Xamenei şulay itep, ildäge qadimilär häm reformaçılar arasında çıqqan soñğı nizaqqa üzençä noqta quyarğa buldı. Çärşämbe könne Saqçılar Şurası qarşında yasağan çığışında ul anıñ äğzalarına, 3 meñnän artıq reformaçıl nämzätne kiläse ayda uzaçaq parlament saylawlarında qatnaşu xoquqınnan mäxrüm itüne yänä ber tikşerep çığarğa quştı.
Audio, ayatolla Xamenei
"Saqçılar Şurasınıñ kilep tuğan wäzğiatne tikşerüe öçen tağın 20-dän alıp 22 köne bar, bu bik caylı mömkinlek" di şura äğzalarına İrannıñ ruxi citäkçese ayatolla Ali Xamenei. İldä tirän säyäsi krizis tudıruğa kitergän şuşı qarşılıqlı qararnı näq menä şul Saqçılar Şurası çığarğan ide. Ul tulısınça qadimi ruxanilärdän häm şäriğät belgeçlärennän tora häm anıñ maqsatı, İrandağı däwläti nigezlärneñ islam qanunnarına turı kilüen tikşerep baru. Aldağı saylawlar, anda demokratik şäxeslärneñ qatnaşuın çikläw turındağı qarar şunda uq reformaçıl köçlär östenlek itkän parlamentta zur qarşılıq uyattı, anıñ qayber deputatları xätta, inde menä 5-nçe kön parlament binasınnan çığudan baş tartıp qarşılıq utırması ütkärä. Alar şuşı çarasın ayatolla Xameneineñ soñğı kürsätmäsenä qaramastan älegä däwam itärgä buldı. Saqçılar Şurası kiläse parlamentqa saylanudan totqarlarğa telägän reformaçılar arasında 80-läp xäzerge deputat ta bar ide. İrandağı qadimi ruxanilär fikerençä, alarnıñ İslam dinenä birelgänlege şik uyata, şuña kürä dä alar islam däwläte sanalğan İrannıñ parlamentına deputat itep saylana almıy. Kemneñ "kübräk xaq mö''min-möselman" buluı turındağı bäxäs uñayınnan Xamenei, "sälätläre elektän ük raslanğannar deputat buluğa layıqlı, ägär dä inde kirese raslanmasa" digän mäğnädä ber belderü yasadı.
Audio, ayatolla Xamenei
Parlament binasındağı qarşılıq çarasında qatnaşuçılar, İranda härzaman soñğı süzne äytüçe ayatolla Xamenei belderüen zur ciñü bularaq qabul itte. Radiobıznıñ farsı telendäge tapşıruların alıp barğan Radio Farda xäbärçese Siavaş Ardalan xäbär itä.
Audio, Siavaş Ardalan
"Älegä reformaçılar, qarşılıq çaralarınıñ 5-nçe könendä, ciñü xise kiçerä, yuğarı citäkçeneñ Saqçılar Şurasına äytkän süzläre tupnı Şura yağına çığardı dip isäpli häm alar xäzer Saqçılar Şurasınıñ yuğarı citäkçeneñ belderüenä möğämäläsen häm añlatmasın kötä" di xäbärçebez Siavaş Ardalan. Saqçılar Şurası kiläse aydağı saylawlarğa qaysı nämzätlärne qatnaştıru turındağı soñğı qararın şuşı ay azağına qädär çığarırğa tieş. Ä inde nämzätlärneñ soñğı isemlege fivral''neñ 12-sendä, tawış birügä ber atna qala bäyän iteläçäk. Aldağı saylawlar İrandağı reformaçıl köçlär öçen, alarnıñ qadimi ruxanilär belän barğan köräşendä möhim ber sınaw bulıp tora.
Kärim Kamal, Praga
Audio, ayatolla Xamenei
"Saqçılar Şurasınıñ kilep tuğan wäzğiatne tikşerüe öçen tağın 20-dän alıp 22 köne bar, bu bik caylı mömkinlek" di şura äğzalarına İrannıñ ruxi citäkçese ayatolla Ali Xamenei. İldä tirän säyäsi krizis tudıruğa kitergän şuşı qarşılıqlı qararnı näq menä şul Saqçılar Şurası çığarğan ide. Ul tulısınça qadimi ruxanilärdän häm şäriğät belgeçlärennän tora häm anıñ maqsatı, İrandağı däwläti nigezlärneñ islam qanunnarına turı kilüen tikşerep baru. Aldağı saylawlar, anda demokratik şäxeslärneñ qatnaşuın çikläw turındağı qarar şunda uq reformaçıl köçlär östenlek itkän parlamentta zur qarşılıq uyattı, anıñ qayber deputatları xätta, inde menä 5-nçe kön parlament binasınnan çığudan baş tartıp qarşılıq utırması ütkärä. Alar şuşı çarasın ayatolla Xameneineñ soñğı kürsätmäsenä qaramastan älegä däwam itärgä buldı. Saqçılar Şurası kiläse parlamentqa saylanudan totqarlarğa telägän reformaçılar arasında 80-läp xäzerge deputat ta bar ide. İrandağı qadimi ruxanilär fikerençä, alarnıñ İslam dinenä birelgänlege şik uyata, şuña kürä dä alar islam däwläte sanalğan İrannıñ parlamentına deputat itep saylana almıy. Kemneñ "kübräk xaq mö''min-möselman" buluı turındağı bäxäs uñayınnan Xamenei, "sälätläre elektän ük raslanğannar deputat buluğa layıqlı, ägär dä inde kirese raslanmasa" digän mäğnädä ber belderü yasadı.
Audio, ayatolla Xamenei
Parlament binasındağı qarşılıq çarasında qatnaşuçılar, İranda härzaman soñğı süzne äytüçe ayatolla Xamenei belderüen zur ciñü bularaq qabul itte. Radiobıznıñ farsı telendäge tapşıruların alıp barğan Radio Farda xäbärçese Siavaş Ardalan xäbär itä.
Audio, Siavaş Ardalan
"Älegä reformaçılar, qarşılıq çaralarınıñ 5-nçe könendä, ciñü xise kiçerä, yuğarı citäkçeneñ Saqçılar Şurasına äytkän süzläre tupnı Şura yağına çığardı dip isäpli häm alar xäzer Saqçılar Şurasınıñ yuğarı citäkçeneñ belderüenä möğämäläsen häm añlatmasın kötä" di xäbärçebez Siavaş Ardalan. Saqçılar Şurası kiläse aydağı saylawlarğa qaysı nämzätlärne qatnaştıru turındağı soñğı qararın şuşı ay azağına qädär çığarırğa tieş. Ä inde nämzätlärneñ soñğı isemlege fivral''neñ 12-sendä, tawış birügä ber atna qala bäyän iteläçäk. Aldağı saylawlar İrandağı reformaçıl köçlär öçen, alarnıñ qadimi ruxanilär belän barğan köräşendä möhim ber sınaw bulıp tora.
Kärim Kamal, Praga