Rusiäneñ 6nçe zur neft şirkäte Tat-neftneñ azçılıqtağı xissedarları premier Erdoğanğa möräcäğät itep, qağıydälär bozılğanlıqtan törkemneñ 1milliard 300million dollarğa satıp alğan Tüpraş xissälären blokaladalarğa çaqırdı. Tatneftneñ azçılıqtağı xissädarların wäkillek itkän Tatneft İnvester İmanegement Service neñ NYtağı advokatı Marc Dreir Tayip Erdoğanğa möräcäğät itep ütkärelgän auksionnı köçtän çığarırğa çaqrıdı. Advokat Dreir süzlärençä anıñ klientları Tatneft, Tüpraş auksiäsendä häm Rusiä häm Amerika qanunnnarın bozdı digän qaraşta. Dreir Tatneftneñ Efremov Kautçuk isemle bilgesez alman şirkäte aşa Tüpraş xisselären satıp aluı häm bu turıda xissedarlarına auksion uñışlı ütkännän soñ ğına xabär itüe turında AQŞnıñ qımmetle käğäzlär häm birjalar komissiäsenä yazıp cibärgän.AQŞ investorları Tatneft aksiälären Amerikada satıp ala ala. Tatneft İnvestor İmanegementneñ advokatları ütkän atnada komissiägä Tatneftneñ aldan xabär itmäwe qimmätle käğäzlär turındağı federal qanunnı bozu bulıp tora dip belderde. Rusiä qanunına kürä şirkät kapitalınıñ 50%ın ütkän operatsiälär öçen ğomum cıylışta xissädarlarnıñ zur küpçelege yaqlap çığarğa yäki här direktor raslawın birergä tieş.Tatneft şulay eşlämägän öçen zakon bozğan bula. Tatarstan xökümäte tarafınnan kontrol itelgän tatneftte beräw dä bu turıda komentar birmäde dip yaza Financial Times. Şirkät süzçese bu xaqta comğa könne menecerler Törkiädän qaytqaç qına mäğlümät bulır dip äytkän. Qayber investor häm analitiklar qaraşınça tatneft bu operatsiäne üze finansiäli almıy. Alar östämä äcätkä aqça alu şirkätneñ xissädarlarğa tüläw säläten çiklägän kebek xissälärneñ bäyäsen dä töşeräçäk. Törkiä xökümäte Tatneftneñ Tüpraş xissäläreneñ zur öleşen satıp aluın rasladı, ämma sonğı süzne premier Erdoğan comğa könne äytäçäk dip kötelä . Törkiädä hönär berlekläre Tüpraşnıñ xosusiläşterelüenä nıq qarşılıq kürsätä. Çärşämbedä neft eşkärtü eşçelären wäkillek itkän hönär berlege mäxkämägä möräçäğät itte ul şulayuq premier citäklägän yuğarı xosusiläşterü şurası Tüpraşnıñ satılğan 66% xissäläre kire qaytarılsın dip taläp itä. FT gazetasında menä şulay dip yazılğan
färidä xämit,praga
färidä xämit,praga