Audio, Paul Bremer
"Biredä bulıp kitkän Berläşkän Millätlär Oyışmasınıñ belgeçläre äytüençä, iñ möhime bulıp texnik problemalar qala. Ğiraqnıñ saylaw qanunı yuq, şul qanunnı bilgeläw öçen xätta saylaw komissiäse dä yuq. Näq şunı uq säyäsi partiälärneñ eşen köylägän qanun turında da äytep bula. Tawış birüçelär isemlege yuq, ildä soñğı 20 yıl eçendä ışanıçlı canisäp ütkärelmäde, tawış birüne oyıştıru öçen saylaw urınnarınıñ çikläre bilgelänmägän" dip añlata Paul Bremer Ğiraqta yaqın aralarda saylawlar ütkärügä kirtä bulıp torğan problemalarnı. Anıñ süzlärençä, ildä bulıp kitkän Berläşkän Millätlärneñ wäkilläre, irekle saylawlar yulındağı kirtälärdän arınuğa kimendä ber yıl kiräk bulaçaq dip isäpli.
Audio, Paul Bremer
"Älege texnik problemalarnı çişü öçen Berläşkän Millätlär ber yıldan alıp 15 ayğa qädär waqıt kiräk bulaçaq dip isäpli, monı beraz tizlätep tä bula, läkin kiçä general'' sekretar Kofi Annan beldergänçä, saylawlar ütkärügä qomaçawlağan citdi texnik problemalar bar" dip däwam itä Paul Bremer üz añlatmasın. Amerikannar ildäge xakimiatne Ğiraqnıñ küçeş çorı xökümätenä yünneñ 30-ına tapşırırğa cıyına. Ğiraq xalqınıñ küpçelegen täşkil itkän dip sanalğan şığıylar xakimiatne küçeş tügel, ä turı wä irekle saylawlarda bilgelängän xökümätkä tapşırıluın teli. Läkin xäzer inde Washington ğına tügel, Berläşkän Millätlär dä 30-nçı yüngä qädär ildä tawış birü oyıştırıp bulmayaçaq dip belderä. Amerikannar Ğiraqnıñ küçeş çorı xökümäten törle töbäklärdän cibärelgän maxsus wäkillär tarafınnan bilgelänüen täqdim itkän ide. Şığıylarnıñ töp yulbaşçısı baş ayatolla Ğäli äl-Sistani kiçäge ber äñgämäsendä, turı saylawlar ütkärüne kiçekterep toru belän kileşä aluına işarä itte. Läkin amerikan yağınıñ Ğiraqtağı şığıylar häm sönnilär belän tağın ber ölkädä qarşılıqları bar. İlneñ kiläçäk tormışında, anıñ xoquqi sistemasında islam dine nindi urın alıp toraçaq? Pänceşämbe könne Bremer Ğiraqnıñ yaña konstitutsiäse hiç kenä dä tulısınça islam qanunnarına nigezlänergä tieş tügel dip belderde, anıñ şuşı süzläre ildäge abruylı möselman ruxaniläreneñ açuın çığardı. Şuşı qarşılıqnı bügen Britaniäneñ Ğiraqtağı töp wäkile Jeremy Greenstock beraz yomşartırğa tırıştı häm, islam yaña qanunnar öçen ber nigez bula ala dip belderde.
Audio, Jeremy Greenstock
"Bremer dä, min dä islamnıñ yaña Ğiraq nigezlären täşkil itkän ber öleşe buluın häm anıñ yaña qanunnar öçen dä nigez bulaçağın tanıybız" dip belderä şuşı süzlärne bik kötkän cämäğätkä Ğiraqtağı britan wäkile. Ul şuşı belderüen bügen Ğiraqnıñ xatın-qız eşlären qarağan milli şurasında yasadı.
Kärim Kamal, Praga
"Biredä bulıp kitkän Berläşkän Millätlär Oyışmasınıñ belgeçläre äytüençä, iñ möhime bulıp texnik problemalar qala. Ğiraqnıñ saylaw qanunı yuq, şul qanunnı bilgeläw öçen xätta saylaw komissiäse dä yuq. Näq şunı uq säyäsi partiälärneñ eşen köylägän qanun turında da äytep bula. Tawış birüçelär isemlege yuq, ildä soñğı 20 yıl eçendä ışanıçlı canisäp ütkärelmäde, tawış birüne oyıştıru öçen saylaw urınnarınıñ çikläre bilgelänmägän" dip añlata Paul Bremer Ğiraqta yaqın aralarda saylawlar ütkärügä kirtä bulıp torğan problemalarnı. Anıñ süzlärençä, ildä bulıp kitkän Berläşkän Millätlärneñ wäkilläre, irekle saylawlar yulındağı kirtälärdän arınuğa kimendä ber yıl kiräk bulaçaq dip isäpli.
Audio, Paul Bremer
"Älege texnik problemalarnı çişü öçen Berläşkän Millätlär ber yıldan alıp 15 ayğa qädär waqıt kiräk bulaçaq dip isäpli, monı beraz tizlätep tä bula, läkin kiçä general'' sekretar Kofi Annan beldergänçä, saylawlar ütkärügä qomaçawlağan citdi texnik problemalar bar" dip däwam itä Paul Bremer üz añlatmasın. Amerikannar ildäge xakimiatne Ğiraqnıñ küçeş çorı xökümätenä yünneñ 30-ına tapşırırğa cıyına. Ğiraq xalqınıñ küpçelegen täşkil itkän dip sanalğan şığıylar xakimiatne küçeş tügel, ä turı wä irekle saylawlarda bilgelängän xökümätkä tapşırıluın teli. Läkin xäzer inde Washington ğına tügel, Berläşkän Millätlär dä 30-nçı yüngä qädär ildä tawış birü oyıştırıp bulmayaçaq dip belderä. Amerikannar Ğiraqnıñ küçeş çorı xökümäten törle töbäklärdän cibärelgän maxsus wäkillär tarafınnan bilgelänüen täqdim itkän ide. Şığıylarnıñ töp yulbaşçısı baş ayatolla Ğäli äl-Sistani kiçäge ber äñgämäsendä, turı saylawlar ütkärüne kiçekterep toru belän kileşä aluına işarä itte. Läkin amerikan yağınıñ Ğiraqtağı şığıylar häm sönnilär belän tağın ber ölkädä qarşılıqları bar. İlneñ kiläçäk tormışında, anıñ xoquqi sistemasında islam dine nindi urın alıp toraçaq? Pänceşämbe könne Bremer Ğiraqnıñ yaña konstitutsiäse hiç kenä dä tulısınça islam qanunnarına nigezlänergä tieş tügel dip belderde, anıñ şuşı süzläre ildäge abruylı möselman ruxaniläreneñ açuın çığardı. Şuşı qarşılıqnı bügen Britaniäneñ Ğiraqtağı töp wäkile Jeremy Greenstock beraz yomşartırğa tırıştı häm, islam yaña qanunnar öçen ber nigez bula ala dip belderde.
Audio, Jeremy Greenstock
"Bremer dä, min dä islamnıñ yaña Ğiraq nigezlären täşkil itkän ber öleşe buluın häm anıñ yaña qanunnar öçen dä nigez bulaçağın tanıybız" dip belderä şuşı süzlärne bik kötkän cämäğätkä Ğiraqtağı britan wäkile. Ul şuşı belderüen bügen Ğiraqnıñ xatın-qız eşlären qarağan milli şurasında yasadı.
Kärim Kamal, Praga