BMO atom energiäse agentlığı başlığı Möhammäd ElBaradei, agentlıq Liviägä tınıç maqsatlarda qullanılaçaq atom programmaların üsterergä yardäm itergä äzer, dip belderde. Tripolida, Liviäneñ küpläp üterü qoralların yuq itü turında ike könlek söyläşülären tämamlap ElBaradei, agentlıq Liviägä yardäm itü yulların tikşeräçäk, dide: "Liviä programmaların tınıç maqsatlarda qullanu yulları turında bez şulay uq Liviä belän dä söyläşülär alıp barabız. Alarğa atom texnologiäläre – sunı çistartu, medetsina, awıl xucalığı, sänäğat ölkälärendä bik kiräk" dide ElBaradei.
Liviä citäkçese Moammar Gadhafi'nıñ, dekabr ayında, Liviä atom töş häm başqa küpläp üterü qoralların yuq itergä qarar qabul itte, dip iğlan itüennän soñ Tripolinıñ xalıqara cämäğätçelek belän mönäsäbätläre yaxşıra başladı.
