Accessibility links

Ğiraqta saylawlarnıñ yıl axırına qadär uzaçağına garantiä taläp itälär


Ğiraqtağı şiği möselmannarı başlığı Ayatolla Ali al-Sistani, xalıqara cämäğätçelekne – Ğiraqta saylawlar bıyılnıñ axırına qadär uzdırılırğa tieş dip ışandıra. Al-Sistani'nıñ baş fatirında bäyän itelgän belderüdä, saylawlarnıñ kiçekterelmiäçägenä garantiä bularaq Berläşkän Millätlär Oyışması İminlek Şurası rezolüsiäsen qabul itü täqdim itelä. Şulay uq anda, 30nçı iünnän soñ eşkä kereşäçäk xökümätneñ wäkälätläre çiklängän bulırğa tieş häm alar wazifaların saylawlarğa qadär berniçä ay ğına başqarıp torırğa tieş, dielä. Berläşkän Millätlärneñ Ğiraqtağı wäkile Ross Mountain, Ğiraqta iminlek torışı naçarayğan, dide. İminlek yaxşırğançı, Berläşkän Millätlär Ğiraqqa üz missiäsen kiterä almayaçaq, dide oyışmanıñ wäkile.
XS
SM
MD
LG