Accessibility links

Кайнар хәбәр

AQŞ-Yevropa Berlege söyläşüläre üzägendä zurıraq yaqın könçığış proyektı tora


Bügen Yevropa Berlegeneñ yuğarı däräcäle wäkilläre Waşingtonğa kilä. Söyläşülärneñ köntärtibendä AQŞnıñ bäxäsle proyektı tora.Bu proyekt Morokkodan alıp Äfganstan Pakstanğa qädär (zur) yaqınkönçığışnı modernlaştırunı küzdä tota.Berlek räsmiläre bu plan üzläreneñ törle proyektları belän kileşep citmi digän şik belderä.

Mätbuğat xabärlärenä qarağanda AQŞ Morokkodan alıp Äfganstan, Pakstanğa qädär ğäräb häm möselman dönyasında ambitsiäle säyäsi,iqtisadi häm mädäni reformalar ütkärüne küzdä tota. AQŞ şul proyektınıñ Yevropa Berlege tarafınnan yaqlanuın teli. Waşingtonğa kiläçäk Yevropa Berlege wäkilläre arasında Berlekneñ tışqı säyäsät koordinatorı J.Solana, İrlandiä tışqı eşlär ministırı Brian Cowen häm Berlekneñ tışqı mäsälälär komisarı Chris Patten bar. Berlek räsmiläre blok AQŞ inisiativasın bu basqıçta tulısınça yaqlamıyaçaq dip işarä itte.Patten süzçese Diego de Ojeda comğa könne Brüsseldä Berlekneñ töbäk öçen üz planı bar , añı täräqi itterü belän mäşğül,kiläse ayda tışqı eşlär ministırları cıyılışında bu plan töğäl formasın alaçaq ,bez başta ğäräb dönyası wäkilläre belän kiñäşläşü niätendäbez dide.Berlek inisiativası älegä anıq açıq tügel ämma xabärlärgä qarağanda Berlek AQŞnıñ yaqın könçığış proyektına Äfganstan häm Pakstannı da kertüenä tınıçsızlana. De Ojeda Berlek delegatsiäse AQŞ räsmilärenä 3puktnı açıqlayaçaq dide (audio) berençedän, ğäräb-İzrael konfliktı älbättä bu möhim. İkençedän. ireşelgän närsälärne şulsanda Barcelona protsesın dewam itterü.Här närsäne baştan başlarğa telämisen bit,häm 3dän xucalıq xisse, bu inde bez çittän ber närsä dä köçläp tağırğa tırışmıybız, bez ilneñ üzendä başlanğan eşne genä yaqlıybız digän närsä. De Ojeda bu AQŞnıñ cawabınnan bağlı, Berlek bu eşne bergäläpme ällä üz başınamı başqaraçaq qarar biräçäk dide. AQŞ räsmiläre Amerika- Yevropa Berlege proyektın iyün ayında G-8lärneñ cıyınında iğlan itergä äzerlänä dip işarä itä.Comğada prezident G.Bush Germaniä kanslerı Schroeder belän oçraşu waqtında AQŞ inisiativasın nıq yaqlap bolay dide(audio)Qayberäwlär yaqın könçığış xalıqlarınıñ üz üzläre belän idarä itü sälätenä şiklänep qarıy.Min bu qaraşnı kire qağıp añı ike yözlelek dip atıym.Min ireklek här keşedä tabiğıy räweştä bar dip ışanam , ägär dä cünle struktura, cünle oyışmalar bulsa keşelär üz üzläre belän idarä itä ala dip äytte G.Bush Yevropa Berlegendä yaqın könçığışta progress buluı öçen İzrael-fälästin konfliktın çişü şart digän kiñ taralğan fiker bar.De Ojeda da Berlek wäkilçelege quartet dip yöretelgän AQŞ,BMO Russiä häm Berlekneñ yañadan yul xaritası (dip isemländerelgän tınıçlıq planı )turında oçraşuı öçen basım yasıyaçaq dip äytte..Yevropa Komissiäse plannıñ kiñräk yevropa inisiativası buluı öçen tırışlıq kürsätä. Berlek belän AQŞ arasındağı söyläşülärdä Ğıraq, Äfganstan, qorallarnı cäyeldermäw, NATOnıñ Bosniada tınıçlıq saqlawnı kiläse yıl başında Berlek xärbilärenä tapşıru , Russiä häm anıñ kürşeläre kebek mäsälälär dä toraçaq.Ämma Russiä Yevropa Berlegeneñ üzeneñ işek aldındağı eşlärgä tıqşınuın yaratmıy, qarşı çığa

färidä xämit,praga
XS
SM
MD
LG