Accessibility links

Кайнар хәбәр

Madrid höcümnäre artında kem tora?


İspan xakimiäte kiçä yaqınça 200keşeneñ häläk buluına säbäp bulğan terror ğämäle öçen cawaplılıqnı bask terror oyışması ETAğa yökläsä dä tikşerüdä barlıq ixtimallär iqtibarğa alınaçaq dip belderde. Madrid bombalauınıñ artında kem tora digän sorawğa älegä turıdan turı cawap birep bulmıy.

İspanya premyer ministırı Jose maria Aznar, ispan xakimiätläre ber genä ixtimalne dä çitkä qaqmıy kiçäge bombalaunı oyıştıruçılarnı ezli dip äytte Aznar süzlärençä(audio) Eçke eşlär ministırlığı häm eçke eşlär ministırı tikşerüdäge progres belän mine tanıştırıp bara. Tikşerüdä ber genä mömkinçelek tä iqtibarsız qaldırımayaçaq . Premyer politsiäneñ eşçänlege tizdän näticälären biräçäk dide. İspanyanıñ tışqı eşlär ministırı Ana Palacio bügen , tabılğan barlıq dälillär şartlaw öçen cawaplılıqnı bask separatist oyışması ETAğa quya dip söyläsä dä, başqa törkemnär şulsanda islam radikalläreneñ dä höcümnärgä qatnaşqan buluı mömkin digän .Eçke eşlär ministırı Acebes, Madrid yaqınında urlanğan maşinada şartlatuçılar häm Qor''än süräläre yazılğan tasma tabılğannan soñ iminlek xezmätkärlärenä ETAdan başqa mömkinçeleklärne dä qararğa kürsätmä birgän. ETAnıñ politik qanatı tıyılğan Batusuna partiäse citäkçese Arnaldo Otegi (audio) mäqsat ta operatsiäneñ metodı da Madriddatı insident öçen ETAnıñ cawaplı bulmawın raslap tora .Bez moñı açıqlarğa telibez häm ikençedän qorbannarnıñ yaqınnarı häm Madrid xalqına solidarlığıbıznı belderäbez dide. Ul cawaplılıqnı İspanyanıñ Ğıraqtağı role säbäple ğäräb törkemnärenä quydı. Terror belgeçläre belderüençä , Madriddä ber yk waqıtta 10 ayrım bombanıñ şartlawı bäysez Bask däwläte öçen 36yıldan birle köräş alıp barğan ETAnıñ ğämälenä oxşamıy. ETA bilgele urınnarda keçkenä bombalar şartlata häm bu turıda aldan politsiägä şaltıratıp kisätä yäki şartlawdan soñ şunduq cawaplılıqnı üz östenä ala ide.Ämma xakimiätlär, ETA metodların üzgärtä ala dip äytä.Ütkän ayda ispan politsiäse Madridqa yul totqan maşinada 500 kilogramma şartlağıç konfiskatsiälägän ide.Dikäberdä politsiä San Sebastiannnan Madridqa barğan poezda yäşerelgän bomba tapqan ide.Jane''s terrorism and İnsurgency Centre-neñ muharrire Richard Evans radiobızğa kiçäge bombalaw ETA operatsiäse bulsa çınlap ta kötelmägän eş dip äytep : (audio) Sonğı yıllarda törkemneñ äğzaları qulğa alındı , qoral, şartlağıçları konfiskatsiälände, terror ğämälläre faş itelde , törkem çınlap ta zäğiflänä töşte . İspan häm fransuz xakimiätläre elek bulmağan xezmätäşlek urnaştırıp ETA yaqlawçıları häm alarnıñ Fransiädäge bazasın hädäf itep aldı.. ETA tönyaq İspanya häm Fransiäneñ könyaq Könbatışında bäysez Bask däwläte öçen 1968nçe yılda köräş başlatqannan birle 850 keşene üterde, ämma anıñ ber genä höcüme dä kiçäge Madrid insidentına oxşamağan ide. Anıñ in qanlı höcümendä 1987nçe 21 keşe häläk buldı. Häm ul Moñıñ öçen ğafu ütende. Üzen Abu Hafs al Masri brigadası dip atağan häm al Qaida belän bäyläneşe buluın däğwä itkän törkem kiçä Londondağı al Quds –al Arabi basmasına e-mael cibärep, Madrid höcüme öçen cawaplılıqnı üz östenä aldı häm ispanyanı islamnıñ doşmanı dip atadı.Bilgele bulğança, İspanya AQŞnıñ Ğıraq suğışın yaqlıy. Ämma bu törkem ütkändä dä şundıy xatlar cibärgän ide. Terror expertları bu törkemneñ barlığına da şik belän qarıy,häm ul tik isemnän genä ğıybarät di. ''Al Qaidanıñ eçendä''isemle kitapnıñ aftorı awstralialı Rohan Gunaratna Madrid höcümenä bälkim dä möselman terrorçıları qatnaşqandır dip işarä itä, koordinatsiälängän ber yk waqıttağı şartlawlar, küpläp keşene üterü häm simvolik hädäflärgä höcüm ETAğa qarağanda kübräk al Qaidanı xäterlätä dip belderä. Ul ayruça İspanyada küp sanda möselman aktivistlarnıñ yäşäwenä häm 11nçe sintäber höcüme belän citäklägän Möxämmäd Attanıñ yışqına İspanyağa kilep kitkänen dä telgä aldı..

färidä xämit,praga
XS
SM
MD
LG