Accessibility links

Кайнар хәбәр

Hamasnıñ üterelgän citäkçese Yassinneñ warisları bilgele buldı


Hamas citäkçese Şeyx Ahmed Yassin İzrael tarafınan üterelgännän soñ, şuşı suğışçan Fälästin törkeme belän närsä bulaçaq digän sorau tudı. Anış urnın alırğa ciınğan ike köräşçe dä İzrail belän kileşüne kire qağalar. Radiobız xezmätkäreneñ bu xaqtağı mäğlümätläre.

İzrael armiäseneñ ştab başlığı Moşe Yaalon Hamasnıñ ruxi citäkçese Şeyz Ahmed Yassinne üterä belän oyışma başsz qaldı dip belderde. Ul Tel Avivdä iminlek konferensiäsendä yasağan çığışında bolay dide

Audio

"Terrorğa qarşı suğışta terrorist infrastrukturanı başsız qaldıru strategiäneñ ber çarası."

Ber ük vaqıtta Yaalon bu üterü Hamasnı vaqıtlıça köçländerä ala dip tä äytte.

Audio

"Yassingä höcüm Hamas terror oyışmasına zur orım yasadı. Qısqa möddätne küz aldında totqanda, bu adım Hamasnı därtländerä dä ala."

İzraelgä qarşı qatı pozitsiädän çığıp söyläşülär alıp barunı yaqlauçı Hamasnıñ tanılğan ike şäxsi oyışma belän citäkçelekne üz qullarına aluların belderdelär. Alar Abdel Aziz Rantisi häm Xaled Maşal. Rantisi Gaza şähärendä ütkärelgän mitingta Gaza sızığındağı Hamasnıñ citäkçelegen üz qulına aluın häm berdämlekne saqlarğa kiräklegen belderde.

Audio

"Bez qarşılıq kürsätü öçen berläşergä tieşbez. Bez İzrael terrorına birelmiäçäkbez häm birelmäskä tieşbez. "

Tabip Rantisi İzrael belän atışlarnı tuqtatu kileşüenä qarşı çığa. Ul 7 yıl İzrael törmälärendä utırıp çıqtı häm 92-nçe yılda Hamsnıñ yözärlägän ağazası belän bergä Livanğa sörelgän ide. Rantisi uzğan yılnıñ iyünendä İzraelneñ raketa belän höcüme näticäsendä aftomobilendä yaralanğan ide. Rantisi kiçä fizika uqıtuçısı häm Hamasnıñ Damasktağı politik burosın citäklägän Xaled Maşel oyışmanıñ dönya külämendäge başlığı bulaçaq dip belderde. Maşal 1997-nçe yılda İzraelneñ Mossad agentlığı xezmätkärläreneñ häcümennän isän qalğan ide. Yassinnıñ şäxsi tabibı da bulğan Mahmud Zahar da citäkçel rol däğvä itä ala. Läkin, ul kiçäge mitingta Rantisinıñ qulın qısıp , anıñ citäkçelegen tanuın işarä itte. Anardan başqa Yassinneñ baş kiñäşçese İsmail Hanieh häm Maşalnıñ urınbasarı Musa Abu Marzun da täsirle Hamas citäkçeläre bulıp toralar. Düşämbe könne İzrael tarafınan üterelgän häm 1987-nçe yılda Hamasnı oyıştırğan Şeyx Ahmed Yassin Yökşämbe könne El-Arabiä televideniäsendä tapşırılğan soñğı intervyusında İzraelneñ kisätülärenä qağılıp bolay digän ide

Audio

"İzraelneñ Hamas häm başqa fraksiä citäkçelären üterü belän kisätüe yaña tügel. Ul qabatlanıp tora. Döşmanğa zian kitergän inteharçılarnıñ höcümnäre yäisä başqa höcümnär bulğan sayın , İzrael kisätülär yasıy."

İkençe könne ul üterelde. Xalıqara reaksiäneñ tiskäre buluına qaramastan, İzrael Hamas citäkçelären yañadan kisätte. İzraelneñ tışqı eşlär ministere Silvan Şalom kiçä Washingtondağı press-konferensiä vaqıtında Fälästinneñ militant citäkçeläre üzlären imin xis itmäsennär dip kisätte.

Färit İdelle. Praga.
XS
SM
MD
LG