Bagdad. Ğiraq başqalasında bügen şığıy ruxanie äl-Sadr tarafdarlarınıñ zur cıyını ütte, anda meñlägän keşe qatnaştı dip xäbär itelä. Alar Quşma Ştatlar citäkçelegendäge waqıtlı idaräneñ "äl-Häwzä" basmasın yabuın xökem itep çıqtı. Amerikannar, älege basma Quşma Ştatlar xärbilärenä qarşı köç qullanuğa çaqıra dip beldergän ide. Bügenge cıyında qatnaşuçılar şulay uq, äl-Sadrnıñ yaqın kiñäşçese Mostafa äl-Yaqubine azat itüne taläp itte. Ul bügen irtäräk, çualışlarğa öndäwdä ğäyeplänep Näcäf şähärendä totqarlanğan ide.
