Äfğänstan saqlanu ministrlığı xökümät ğäskärläre Faryab wiläyäte başqalası Maymanadan Abdul Räşit Dostum köçlären bärep çığardı dip belderde.
Ministrlıq wäkile general Zahir Azimi äytüençä, Maymana xäzer äfğän armiäse qulında häm armiä şähär tirälären kontrol'gä ala başlıy.
Maymanağa Äfğän yaña däwlät politsiäseneñ yözlärçä xezmätkäre dä cibäreläçäk.
Milläte belän üzbäk Abdul Räşit Dostumnıñ qorallı törkeme uzğan çärşämbedä kürşe töbäklärdän kerep Faryab wiläyäten basıp aldı.
Azimi äytüençä, Dostum köçläre xäzer annan çigenä bara.
Faryab başlığı Enayatulla Enayat küpçelegen üzbäklär täşkil itüçe törkem bärep kergännän soñ şähärdän qaçtı.
Enayatnıñ qayda buluı haman da mäğlüm tügel.
