AQŞ xärbiläre äytüençä, bügen Bağdadtağı totqarlaw üzägenä minaatqıçlar höcüme näticäsendä 21 totqın hälak bulğan, yözläp totqın yaralanğan. AQŞ xärbiläre wäkile general Mark Kimmett 18 mina atıldı dide.
Ğiraqnıñ Falluca şähärendä AQŞ xärbiläre belän ğisynaçılarnıñ atışlarnı tuqtatırğa kileşüe iğlan itelgännän soñ 50-läp ğailä kire şähärgä qayttı.
AQŞ xärbiläre şähärne haman da çolğanışta tota. Ämma anda ğömümän alğanda tınıçlıq urnaşqan, AQŞ xärbiläre häm cirle citäkçelär ğisyançılarnı qoral taşlarğa çaqıra dielä.
Bügen BMOnıñ Ğiraqtağı wäkile Laxdar Brahim yaqın arada Ğiraq turında BMOnıñ yaña rezolütsiäse qabul itelü mömkinlege bik nıq zur dide.
İspaniädän soñ kiçä Honduras ta Ğiraqtağı ğäskärlären tizdän çığaraçağın belderde.
Bügen Rumıniä belän Bolğarstan üz ğäskärläreneñ Ğiraqta AQŞ citäkçelegendäge koalitsiädä qalaçağın rasladı.
