Accessibility links

Кайнар хәбәр

Yevropa berlegeneñ yaña 10 äğzası quşılu waqiğäsen tantanalı bilgeläde


Bügennän başlap Yevropa Berlegenä 25 däwlät kerä. Yaña äğzalar arasında Çexiä, Macarstan, Slovakiä, Sloveniä, Pol''şa, Litwa, Latviä, Kipr häm Mal''ta belän Estoniä dä bar.

İlneñ Yevropağa qaytuın Tallinn uramnarında zur şatlıq belän bäyräm ittelär.

Audio, Tallinn

Çex başqalası Pragada ilneñ Yevropa Berlegenä quşılu mizgelen zur feyerverk belän bilgelädelär...

Audio, Praga

Ä Macarstan başqalası Budapestta, ilneñ premyer-ministrı Peter Medgyessy Yevropağa qaytunı cañ suğıp qarşıladı.

Audio, Budapest

Yevropa Berlegeneñ üz tarixındağı şuşı iñ zur kiñäyüe Berlektä yäşäwçe xalıq sanın tağın 75 millionğa arttırıp anı xäzer 450 millionğa citkerä. Häm yaña Yevropa üz işeklären kiläçäktä dä açıq qaldırırğa teli. Tantanalar uñayınnan Pol''şa prezidentı Aleksandr Kwasniewski bolay dide:

Audio, Aleksandr Kwasniewski

"Bügen Pol''şa Yevropa ğailäsenä qayta, läkin Yevropa Berlegeneñ işekläre kiläçäktä dä açıq qalırğa tieş" di äle genä Berlekkä quşılğan Pol''şanıñ prezidentı Kwasniewski. Qotlaw süzläre belän Berlektä xäzerge waqıtta räislek itkän İrlandiäneñ premyer-ministrı Bertie Ahern da çıqtı.

Audio, Bertie Ahern

"Bügen Yevropa Berlegenä quşılğan Yevropa xalqına min üzemneñ duslıq xisläremne yullıym. Sez üzegez saylağan demokratik yul häm sezneñ üz tırışlıqlarığız bu kiterügä yardäm itte" di İrlandiä premyer-ministrı Ahern. Anıñ süzlärençä, bügen Yevropanıñ "salqın suğış" häm bülenü belän bäylängän, ozaqqa suzılğan böten ber säxifäse yabıla. İnde xäbär itelgänçä, İrlandiä başqalasında Yevropa Berlege illäreneñ yuğarı citäkçeläre bügen şuşı waqiğä uñayınnan tantanalı oçraşu ütkärä.

Kärim Kamal, Praga
XS
SM
MD
LG