Äye, xörmätle tıñlawçılar, Berlinda yänä tatar moñı yañğrıy. Yänä dip äytüem şuña, Tatar könnäreneñ berençese Berlinda uzğan yılnıñ awgustında Yevropa mädäniätläre muzeyında uzğan ide. Bu yulı – Azat universitet qarşındağı Türkologiä institutında. Äytergä kiräk, tatar-başqort telläre bu institut öçen yat närsä tügel. Zamanında anda eşlägän alman ğalime Margarete xanım Ersen Raş, tatar-başqort tellärenä mökibbän şäxes, bu tellärdän däreslär birä başladı. Margarete xanımnıñ eşe däwamlı bulıp çıqtı. Xäzer menä anda Tatar telenä, mädäniätenä bağışlanğan fänni simpoziumnar ütä.
Atna buyı barğan çara "Tatarlar: Tel häm Mädäniät" dip atalğan fänni simpozium belän tämamlandı. Simpozium turıda beraz soñraq. Ä başta Tatar könnäreneñ nindi ruxta başlanıp kitüe turında. Berençe könne ütkän kiçädä Tatarstan qunağı, Qazan universitetı professorı Flera Safiullina üzeneñ çığışında bolay dide:
Audio (Flera Safiullina)
Çaranı oyıştıruda Berlindağı Tatar-Başqort üzäge küp köç saldı. Üzäk äğzalarınıñ berse İldar Xarisov:
Audio (İldar Xarisov)
Kiçädä balalarnıñ da qatnaşuwı aña ber yäm östäde. Läylä Gerasimov başqaruında Şayan pesi.
Audio (Läylä Gerasimoff)
Berlinda ütkän Tatar mädäniäte könnäreneñ başqa çaraları turında min anı oyıştıruçalırnıñ berse, Türkologiä institutnıñ xezmätkäre İlmira Miftaxova belän söylöşep aldım.
Audio (İlmira Miftahova)
Simpoziumnıñ programması mindä dä qızıqsınu uyattı. Min İlmiranı, anda yasalğan çığışlar belän qısqaça bulsa da tanıştırıp kitergä soradım. Menä tıñlap qarağız äle, çit il ğalimnäre Belin mönbärennän tatar mäsäläse turında nindi çığışlar yasıy.
Audio (İlmira Miftahova)
Fänni simpoziumda çığış yasağan ğalimnär arasında Qazan universitetı professorı Flera Safiullina da bar ide. Forsattan faydalanıp Flera apa belän dä söylöşep aldıq. Min monda üzemne tatar dönyasında kebek xis itäm, dide ul.
Audio (Flera Safiullina)
Berlinda ütkän fännni simpozium turında Qazan universitetı professorı Flera Safiullina söyläde. Menä şulay xörmätle tıñlawçılar, waqıt-waqıt Qazannıñ da tatar şäxäre buluına şiklänep quyarğa turı kilä, ä monda Germaniä başqalası... Berlin tatarları üzläreneñ kem ikännären onıtmasqa tırışa. Tel däreslären başlap cibärgännär, yün ayında Sabantuyı ütkärmäkçelär. Bu tapşırunı, alar başqaruında "Tuğan tel" belän tämamlıym. Çittä yäşägän tatarlar öçen bu cır üzenä kürä gimn bulıp tora. "Tuğan Tel" Berlinda ütkän Tatar könnärendä dä yañığradı.
Audio ("Tugan Tel")
Ali Gilmi, Praga
Atna buyı barğan çara "Tatarlar: Tel häm Mädäniät" dip atalğan fänni simpozium belän tämamlandı. Simpozium turıda beraz soñraq. Ä başta Tatar könnäreneñ nindi ruxta başlanıp kitüe turında. Berençe könne ütkän kiçädä Tatarstan qunağı, Qazan universitetı professorı Flera Safiullina üzeneñ çığışında bolay dide:
Audio (Flera Safiullina)
Çaranı oyıştıruda Berlindağı Tatar-Başqort üzäge küp köç saldı. Üzäk äğzalarınıñ berse İldar Xarisov:
Audio (İldar Xarisov)
Kiçädä balalarnıñ da qatnaşuwı aña ber yäm östäde. Läylä Gerasimov başqaruında Şayan pesi.
Audio (Läylä Gerasimoff)
Berlinda ütkän Tatar mädäniäte könnäreneñ başqa çaraları turında min anı oyıştıruçalırnıñ berse, Türkologiä institutnıñ xezmätkäre İlmira Miftaxova belän söylöşep aldım.
Audio (İlmira Miftahova)
Simpoziumnıñ programması mindä dä qızıqsınu uyattı. Min İlmiranı, anda yasalğan çığışlar belän qısqaça bulsa da tanıştırıp kitergä soradım. Menä tıñlap qarağız äle, çit il ğalimnäre Belin mönbärennän tatar mäsäläse turında nindi çığışlar yasıy.
Audio (İlmira Miftahova)
Fänni simpoziumda çığış yasağan ğalimnär arasında Qazan universitetı professorı Flera Safiullina da bar ide. Forsattan faydalanıp Flera apa belän dä söylöşep aldıq. Min monda üzemne tatar dönyasında kebek xis itäm, dide ul.
Audio (Flera Safiullina)
Berlinda ütkän fännni simpozium turında Qazan universitetı professorı Flera Safiullina söyläde. Menä şulay xörmätle tıñlawçılar, waqıt-waqıt Qazannıñ da tatar şäxäre buluına şiklänep quyarğa turı kilä, ä monda Germaniä başqalası... Berlin tatarları üzläreneñ kem ikännären onıtmasqa tırışa. Tel däreslären başlap cibärgännär, yün ayında Sabantuyı ütkärmäkçelär. Bu tapşırunı, alar başqaruında "Tuğan tel" belän tämamlıym. Çittä yäşägän tatarlar öçen bu cır üzenä kürä gimn bulıp tora. "Tuğan Tel" Berlinda ütkän Tatar könnärendä dä yañığradı.
Audio ("Tugan Tel")
Ali Gilmi, Praga
