Accessibility links

Ğıraqlı totqınnarnı ezärlekläw eşen tikşergän AQŞ generalı senatnıñ qorallı xezmätlär komitetında çığış yasadı


Ğıraqlı totqınnarnıñ ezärleklänü mäsäläsen tikşergän amerikan generale Antonio Taguba kiçä Senatnıñ Qorallı Xezmätlär Komitetında çığış yasap bu xällärgä yaxşı citäkçelekneñ bulmawı säbäp buldı dip belderde.

General Antonio Taguba kiçä Senatnıñ Qorallı Xezmätlär komitetında bolay dide(audio) Citäkçelektäge xata, brigada komandirınınnan alıp tübängä qädär, disiplinsızlıq, künegüneñ bulmawı häm yaxşılıp qaramau Abu Ghraib törmäsendä totqınnarnı ezärlekläwgä säbäp buldı.Tikşerü eşläre cünläp alıp barılmadı. Taguba äytüenä qarağanda Abu Ghraib törmäsendäge cinese kimsetü häm cäberläwlärgä berniçä soldat häm sivil genä qatnaşqan. Räsemnärgä töşerelgän mondıy ğämällärne AQŞ häm xalıqara zakonnar tıya. Taguba bu aktlar öçen tübänräk däräcädäge ofitserlar ğäyeple, yuğarı däräcädäge ofitserlarnıñ kürsätmä birgän buluına ber nindi dälil tabılmadı dide. General Taguba xärbi küzläw säyäsäten kürsätkän dälil taba almadıq, Minemçä

qayber soldatlar xärbi küzläw personalen uñışlı sorau alu operatsiäläre öçen kompetensiäle xakimiätlär dip uylap, alar täsirendä eş itte dip söyläde. Taguba süzlärençä, ütkän közdä ezärlekläwlär barğanda Abu Ghraib törmäse küzläw ofitserı polkownik Thomas Pappas qaramağında ide.Şunlıqtan Pappas berlege cawaplı . Tıñlawlarda qatnaşqan başqa ber şaxit AQŞ däwlät sekretarınıñ küzläw mäsäläläre buyınça yardämçese Stephen Cambone Pappasqa törmädä küzläw mäğlümät tuplaw eşe genä birelgän ul törmä öçen cawaplı tügel dip äytte. Cambone (audio) Min polkovnik Pappasqa xärbi politsiäneñ operatsiälären kontrol eşe birelgän dip ışanmim dide Cambone ezärlekläw öçen cawaplılıq Saddam Xösäin bärep töşerelgännän soñ törmäne qarap barğan xärbi politsiädä dide.Taguba armiä qağıydäläre xärbi küzläw räsmilärenä totqınnarnı soraw aluğa äzerläw öçen xärbi politsiädän yardäm soraunı tıya häm min soraw aluçalarğa yardäm itegez dip xärbi politsiägä birelgän ber genä kürsätmä, ämer dälile tapmadım digäç, Cambone monıñ belän kileşmäsä dä , alarnıñ här ikese üzäk küzläw agentlığı CİA Abu Graibtağı ğämällärgä nindider däräcädä qatnaşqandır digän fiker belän kileşte. Saqlanu ministırı D.RUmsfeld comğada senat häm wäkillär palatasınıñ qorallı xezmätlär komitetındağı tıñlawlarda totqınnarnı cafalau turında kübräk räsem, video tasmalar bar dip beldergän ide.Bu räsemnär qorbannarnıñ şäxsi tormış xoquqların bozmas öçen cämäğätçelekkä kürsätelmiäçäk. Alarnı senatorlar bügen yabıq işeklär artında qarıy.Älegä tübän däräcädäge 7 xärbi personal ğäyeplänä. Alarnıñ berse östennän xökem protsesı 19nçe mayda başlana .

färidä xämit,praga
XS
SM
MD
LG