Qazan universitetınıñ tatar filologiäse häm tarixı fakul'tetı professorı, filologiä fännäre doktorı Xatip Miñneğulowqa 12 may könne 65yäş tuldı. Xatip Miñneğulow üzeneñ küpsanlı monografiä däreslekläre, mäqälä-çığışları häm ğomumän, ozaq yıllıq näticäle ğilmi pedagogik eşçänlege belän tatar dönyasında şaqtıy bilgele şäxes. Barınnan da äle ul uqıtuçı, pedagog. 40еллап ul bu eş belän mäşğul. Bügenge köndä 5 sinif uquçılarına adreslanğan «Tuğan tel» kitabınıñ avtorlarınıñ berse. 9-10sinıf uquçıları Xatip Miñneğulow tözegän däreslek xrestomatiädän belem alalar. Ğalim yazğan xezmätlär Qazan, Ufa, Çallı, Alabuğa häm qayber başqa şähärlärdäge yuğarı uqu yortlarında irken qullanıla. Xatip Miñneğulov cämäğät eşlärendä dä daimi qatnaşa.«Qazan utları», «Miras» jurnallarınıñ redkollegiä äğzası.Qazan universitetı qarşındağı doktorlıq dissertatsiälär yaqlawçı sovetınıñ ğilmi sekretare. Rossiä yuğarı uqu yortlarında milli tellär häm ädäbiätlär seksiäseneñ räis urınbasarı. Tatar ensiklopediäseneñ baş fänni redkollegiä äğzası. Häm XX ğasırğa qädärge tatar ädäbiäte bülegeneñ baş möxärrire. 65 yäş ul ğalimnär öçen yubiley häm zur näticälärgä ölgerü çorı. Xatip Miñneğulownı Rusiä töbäklärendä dä, bigräk tä Finlyandiä belän Törkiädä yäşäwçe millättäşlär anı olı ğalim bularaq belälär häm ixtiram itälär. Tatar ädäbiäte häm tarixı buyınça qatlawlı sorawlar tuğanda ,«Azatlıq» radiosınıñ Qazan byurosı aña möräcäğät itä. Anıñ urta ğasır ädäbiäte turındağı kitapları häm basmağa äzerlängän ädäbi tekstlar ruxi mirasıbıznıñ iñ qimmätle märcännäre arasında. Tuğan könendä anıñ küp sanlı şäkertläre, ğilemdäşläre, fikerdäşläre anı ixlas zurlap täbrik ittelär.12май könne Qazan däwlät universitetınıñ 65 yäşen tutıruçı tatar filologiäse fakul'tetınıñ iñ xörmätle ädipläreneñ berse Xatip Miñneğulow, xäzer menä şuşı oluğ uqu yortında belem aluçılar turında uylarğa häm plannarğa çumğan. Häm yaxşıraq bulır , süzne Xatip Miñneğulownıñ üzenä birik:«Bıyıl köz köne ,Qazan däwlät universitetında tatar tele häm ädäbiät bülege açıluğa 60 yıl tula. Bez monı millät tormışı öçen,tatar öçen bik tä möhim dip sanıybız. 1944 yılda Qazan universitetınıñ tarix fakul'tet sostavında tatar tele häm ädäbiäte bülege açıla.Ul başta bik keçkenä bula.Uqırğa 25кеше alına.....». Äle sez Qazan universitetınıñ tatar filologiäse häm tarixı fakul'tetı professorı, filologiä fännäre doktorı Xatip Miñneğulownıñ fikerläre belän tanıştığız. Xatip Miñneğulow bügenge köndä dä yaña fänni xezmätlär yaza.Ä Qotb äsärläre kitabın ul bezgä dä büläk itte. «Azatlıq»radiosı tıñlawçılarına bu zatlı ğalim häm qızıqlı şäxes belän kiläçäktä dä efir dulqınnarında oçraşırğa nasip bulsın.Mälikä Basıyr, Qazan.
