Bügen Rusiäneñ Däwlät Duması Mixail Fradkovnı xuplağannan soñ, Vladimir Putin anı premier-ministr itep bilgeläw xaqında färmännı imzaladı. Fradkin ministrlar kabinetın 2004 nçe yılnıñ mart ayınnan birle citäkli. Ul bu eşendä Mixail Kasyanovnı alıştırdı. Xökümätneñ wazifadan kitüe formal räweştä genä. Çönki konstitutsiä nigezendä prezident saylawlarınnan soñ xökümät tä yañadan raslanırğa tieş. Şulay da, Fradkov fikerençä, xökümät strukturalarında az bulsa da üzgäreşlär bulırğa mömkin.
