Accessibility links

Кайнар хәбәр

«Azatlıq» radiosı xäbärçeläre häm tıñawçıları oçraştı


19 mayda Tatarstan başqalasınıñ Bauman uramı 1 genä köngä bulsa da isemen alıştırıp tordı. Ul mäğlümat çaraları uramına äwerelde. Uram başında «Söyembikä» jurnalınıñ häm «Şähri Qazan» gäziteneñ poçmağı eşläp kilsä, urtada keşelärne «Yalqın» jurnalı, «Tatarstan yäşläre» gäzite, «Çayan» satirik jurnal, «Tatarstan» häm «Yaña ğasır» tele-radiokompaniäläre üz tamaşaçıların çaqırı tordı. Anda Qazanda çığuşı mäğlümat çaraları ğına tügel, Çallı, Tübän Kama, Täteş kebek şähär häm rayon gäzitläre dä qatnaştı. Xäbärçelär üz mäğlümlät çaraları belän tanıştırdı, şunda uq, gäzitkä yazılırğa mömkinlek tä birelde. «Azatlıq» radiosınıñ bilgeläre quyılğan östäl dä bäyräm tamaşasın kürergä kilgän tamaşaçılarnı cälep itte. Alar arasında «Azatlıq» radiosı xezmätkärläre belän tanışırğa kilgän daimi tıñlawıçlarıbız da bar ide.

Radio tıñlawçılarğa mikrofon birelep, küñelne borçığan äyberlär xaqında söyläp birü mömkinlege dä birelde.

Qaysıber keşene xakimiätkä yäşräk Prezident kilü mäs’äläse borçıy, ikençelär tormış däräcäsen artıruğa moxtac, öçençelär – xalıqnıñ ber-bersenä möğällämäse cılıraq, yaqınraq buluı kiräk.

«Azatlıq» radiosınıñ eşenä qarata tänqitle dä maqtawlı da süzlärne işetergä turı kilde. Tıñlawçılarıbız kübräk Çeçnya mäs’äläsendä bäysez fikerne işetergä telär ide, tatar dönyası xäbärlärenä dä ixtiac kiçerüçelär bar. Şunıñ belän bergä, ber tıñlawçı «Azatlıq» radiosı üzeneñ irekle mäğlümatı belän xakimiätlärneñ küz buyaw öçen tudırğan yalğan pärdäsen yuq itär, digän ömet belderde.

Bikä Timerova.

XS
SM
MD
LG