Hindstanda bu könnärdä xätta kiñ fantaziäle Hind kinolarında da bulmağan waqıyğalar qaynıy. Başta Kongress partiäse parlament saylawlarında kötelmägän uñışqa ireşä. Yarlı hindlar bäyräm itä. Qimmätle qäğäzlärneñ bäyäse kisäk asqa tägäri. Urta sıynıf borçuğa töşä. Saylawlarda ottırğa millätçe Demokratik Milli Alyans Kongess partiäseneñ citäkçese çığış belän italian häm xatın qız Sonia Gandhinı çit il keşese dip qatı tänqit utına tota. Sonia küñel sizüemä buysınırğa buldım dip xökümät citäkçelegennän baş tarta. Anıñ tarafdarları Sonianı ul uyınnan qaytırğa ügetläp xätta üz üzlären üterü belän yanıy. Kongress premyer ministr wazıyfasına mäğlüm iqtisadçı Manmohan Singhnı täqdim itä. Sonia tarafdarları Sonianıñ öye yanında demonstratsiälären tuqtatmıy, anıñ premyerlıqqa rizalaşuın taläp itä, xätta köç qullanular da bula. Şul qädär qısqa waqıt eçenä mondıy faqıyğalarnı xätta hind kinoların töşerüçelär üzläre dä sıydıra almas ide.
Şulay da Singhnıñ täqdim itelüe belän Hindstannıñ qimmätle käğäzlär bazarında da canlanu sizelä başladı. Singh 1991-nçe 96-nçı yıllarda Kongress xakimiäte çorında Finans ministrı bularaq iqtisadıy reformalarğa zur öleş kertkän keşe. Ämma ul tulı xökümätne idarä itärlek säyäsi täcribägä iä tügel dip sanala. Kongressnıñ koalitsiädäge berektäşe bulğan komunnistlar anı yaqlap çıqtı. Alar fikerençä xäzer iñ möhime xakimiättän kitüçe millätçe partiägä mömkinleklär qaldırmaw kiräk. Sonia Singni yaqlawnı sorap komunistlar citäkçese öyenä üze barğan. Ämma Kongressnıñ üz äğzaları Sonia Gandinıñ premyer wazıyfasınnan baş tartuı belän kileşmi. Kongressnıñ küp kenä citäkçe äğzaları Sonianıñ älege qararına protest yözennän wazıyfalarınnan çigenülären belderde. Kongress tarafdarları protest demonstratsiälärendä tärtipsezleklär qıldı, partiäneñ idarä binasına bärep kerde. Parlamenttağı Kongress äğzası Shanker Aiyer Soniağa bolay dip möräcäğät itte.
AUDİO: Minem küñelem sizüençä, xanım, xäzer sezneñ citäkçelegegez bik möhim, şuña kürä bezne taplamağız. Bezneñ belän qalığız. Bezgä sezneñ citäkçelekkä kiräk. Barı tik premyer-ministr Sonia Ganfhi citäkçelegendä genä bu partiä berdäm bulıp qalaçaq häm bu il berdäm bulıp qalaçaq.
Saylawlarda ottırğan millätçe partiä çığışı belän çit il keşese bezneñ ilne citäkli alamı digän mäs''äläne kütärgäç kiçä Sonia mondıy belderü belän citäkçelektän baş tartqan ide:
AUDİO: Premyer-ministr wazıyfası minem öçen maqsat bulmadı. Min elek härwaqıt bügenge xäldä bulsam küñel sizüenä buysınaçaqmın dip uyladım. Häm bügen min küñel sizüenä buysınam. Bügen miña küñelem bu wazıyfadan baş tartırğa quşa.
Sonianıñ ire Radjiv häm qaynannası İndira Gandilar ikese dä elek premyer-ministr buldı, häm ikese dä şul wazıyfada üterelde. Sonia Gandinıñ balaları xäzer anabıznı da üterergä mömkinnär dip anı premyerlıqtan baş tartırğa öndägän.
Londondağı Patşa Berläşterelgän Xezmätlär İnstitutınıñ säyäsi anilitigı Rahul Roy Chaudhury fikerençä Sonianıñ baş tartuı Kongressnıñ koalitsiä tözü eşen dä qatlawlandırırğa mömkin. Çönki Kongressnıñ säyäsi berektäşläre Gandhi premyer-minstr bulaçaq dip isäplängändä kileşkän ide di.
AUDİO: Saylawlardağı berektäşlär häm qayber partnerlar premyer-ministr itep başqa keşe bilgelänsä fikerlären üzgärtergä mömkin.
Şul uq waqıtta Singhnıñ täqdim itelüe parlamentta anı raslaw öçen zarur bulğan başqa berektäşlär tabuğa yardäm itä ala di Chaudhury.
Naif Aqmal, Praga.
Şulay da Singhnıñ täqdim itelüe belän Hindstannıñ qimmätle käğäzlär bazarında da canlanu sizelä başladı. Singh 1991-nçe 96-nçı yıllarda Kongress xakimiäte çorında Finans ministrı bularaq iqtisadıy reformalarğa zur öleş kertkän keşe. Ämma ul tulı xökümätne idarä itärlek säyäsi täcribägä iä tügel dip sanala. Kongressnıñ koalitsiädäge berektäşe bulğan komunnistlar anı yaqlap çıqtı. Alar fikerençä xäzer iñ möhime xakimiättän kitüçe millätçe partiägä mömkinleklär qaldırmaw kiräk. Sonia Singni yaqlawnı sorap komunistlar citäkçese öyenä üze barğan. Ämma Kongressnıñ üz äğzaları Sonia Gandinıñ premyer wazıyfasınnan baş tartuı belän kileşmi. Kongressnıñ küp kenä citäkçe äğzaları Sonianıñ älege qararına protest yözennän wazıyfalarınnan çigenülären belderde. Kongress tarafdarları protest demonstratsiälärendä tärtipsezleklär qıldı, partiäneñ idarä binasına bärep kerde. Parlamenttağı Kongress äğzası Shanker Aiyer Soniağa bolay dip möräcäğät itte.
AUDİO: Minem küñelem sizüençä, xanım, xäzer sezneñ citäkçelegegez bik möhim, şuña kürä bezne taplamağız. Bezneñ belän qalığız. Bezgä sezneñ citäkçelekkä kiräk. Barı tik premyer-ministr Sonia Ganfhi citäkçelegendä genä bu partiä berdäm bulıp qalaçaq häm bu il berdäm bulıp qalaçaq.
Saylawlarda ottırğan millätçe partiä çığışı belän çit il keşese bezneñ ilne citäkli alamı digän mäs''äläne kütärgäç kiçä Sonia mondıy belderü belän citäkçelektän baş tartqan ide:
AUDİO: Premyer-ministr wazıyfası minem öçen maqsat bulmadı. Min elek härwaqıt bügenge xäldä bulsam küñel sizüenä buysınaçaqmın dip uyladım. Häm bügen min küñel sizüenä buysınam. Bügen miña küñelem bu wazıyfadan baş tartırğa quşa.
Sonianıñ ire Radjiv häm qaynannası İndira Gandilar ikese dä elek premyer-ministr buldı, häm ikese dä şul wazıyfada üterelde. Sonia Gandinıñ balaları xäzer anabıznı da üterergä mömkinnär dip anı premyerlıqtan baş tartırğa öndägän.
Londondağı Patşa Berläşterelgän Xezmätlär İnstitutınıñ säyäsi anilitigı Rahul Roy Chaudhury fikerençä Sonianıñ baş tartuı Kongressnıñ koalitsiä tözü eşen dä qatlawlandırırğa mömkin. Çönki Kongressnıñ säyäsi berektäşläre Gandhi premyer-minstr bulaçaq dip isäplängändä kileşkän ide di.
AUDİO: Saylawlardağı berektäşlär häm qayber partnerlar premyer-ministr itep başqa keşe bilgelänsä fikerlären üzgärtergä mömkin.
Şul uq waqıtta Singhnıñ täqdim itelüe parlamentta anı raslaw öçen zarur bulğan başqa berektäşlär tabuğa yardäm itä ala di Chaudhury.
Naif Aqmal, Praga.