Bagdadta haman da totrıqsızlıq xökem sörä, xörmätle tıñlawçılar. Bügenge şartlaw anda kimendä 12 keşeneñ ğömeren özde, 12 keşe kiçä hälak bulğan ide. Aña qädär bilgesez höcümçelär Ğiraqnıñ tışqı eşlär wä mäğärif ministrlıqlarında xezmät itkän ike yuğarı däräcäle wäkilne üterde. Başta şimbä könne Ğiraqnıñ tışqı eşlär ministrı urınbasarı Bassam Sälix Kubba atıp üterelde, ber kön ütü belän höcümdä mäğärif ministrılığınıñ mädäniat bağlanışları öçen cawaplı baş mödire Kamal äl-Cärrah hälak buldı. Şimbä könne äle Bagdad Universitetınıñ ber professorı häm tönyaqtağı Kirkuk şähärendä kürenekle körd ruxanie üterelde. Bolar barısı da Ğiraqnıñ yaña xakimiate oyışqan çaqta anı aldan uq totrıqsız itü maqsatında eşlänä digän fiker äytelä. Quşma Ştatlarnıñ däwlät sekretare Colin Powell yäkşämbedä, Ğiraq qanlı cäy ayları kiçerä ala, çönki ğısyançılar anda, xakimiatne 30-nçe yündä tapşıru aldınnan häm annan soñ wäzğiatne tağın da totrıqsızlandırırğa tırışaçaq dip belderde.
Audio, Colin Powell
"Alar, yäğni şuşı höcümnärne oyıştırğan ğısyançılar, Ğiraqnıñ yaña qıyu citäkçelären awlarğa tırışa, alar keşe üterüçelär, alar Ğiraq xalqına xezmät itärgä omtılğan keşelärne yuq itärgä teli häm moña yul ıuyılmasqa tieş" di amerikan däwlät sekretare Bagdadtağı höcümnärne oyıştıruçı ğısyançılar turında. Şuşı höcümnär Ğiraqnıñ äle yaña ğına ayağına basıp kilgän xakimiatenä ışanıçnı yuq itü maqsatın quya kebek. Bagdadtağı ber diplomat süzlärenä qarağanda, yaña idarä ähelläre xäzer, soñğı höcümnär sürätendä xalıq belän bik aralaşırğa atlığıp tormıy häm bu eşne bik tä qatlawlandıra. Londonda ğäräp telendä çığa torğan "äl-Xäyät" basmasınıñ säyäsi küzätüçese Xäzim Sağıy fikerençä, ğısyançılar strategiäseneñ ber öleşe bulıp, Ğiraqtağı säyäsi ähellärne genä tügel, ä ilne torğızu eşendä qatnaşu telägen beldergän bar kürenekle şäxeslärne dä yuq itü tora.
Audio, Xäzim Sağıy
Sağıy, şuşı maqsatına ireşü öçen ğısyançılar aldağı atnalarda üz höcümnären tağın da arttırır digän fikerdä tora. Alar Ğiraqnıñ yaña xakimiatenä ışanıçnı baştan uq kimetergä, anı yuq itärgä teli. Ämma Ğiraq xökümätenä, anıñ üzenä qarşı torğan köçlär belän köräşendä zur yardämne Berläşkän Millätlär kürsätä ala, di Xäzim Sağıy
Audio, Xäzim Sağıy
"Berläşkän Millätlärneñ häm küpmeder däräcädä Yevropa wä ğäräp illäreneñ qatnaşuı Ğiraqtağı säyäsi wäzğiatkä kiñräk qanuni nigez birä ala, moña ireşep terrorçılarnı tağın da nığraq çitläşterep bulır ide" di Londondağı "äl-Xäyät" basmasınıñ säyäsi küzätüçese.
Kärim Kamal
Audio, Colin Powell
"Alar, yäğni şuşı höcümnärne oyıştırğan ğısyançılar, Ğiraqnıñ yaña qıyu citäkçelären awlarğa tırışa, alar keşe üterüçelär, alar Ğiraq xalqına xezmät itärgä omtılğan keşelärne yuq itärgä teli häm moña yul ıuyılmasqa tieş" di amerikan däwlät sekretare Bagdadtağı höcümnärne oyıştıruçı ğısyançılar turında. Şuşı höcümnär Ğiraqnıñ äle yaña ğına ayağına basıp kilgän xakimiatenä ışanıçnı yuq itü maqsatın quya kebek. Bagdadtağı ber diplomat süzlärenä qarağanda, yaña idarä ähelläre xäzer, soñğı höcümnär sürätendä xalıq belän bik aralaşırğa atlığıp tormıy häm bu eşne bik tä qatlawlandıra. Londonda ğäräp telendä çığa torğan "äl-Xäyät" basmasınıñ säyäsi küzätüçese Xäzim Sağıy fikerençä, ğısyançılar strategiäseneñ ber öleşe bulıp, Ğiraqtağı säyäsi ähellärne genä tügel, ä ilne torğızu eşendä qatnaşu telägen beldergän bar kürenekle şäxeslärne dä yuq itü tora.
Audio, Xäzim Sağıy
Sağıy, şuşı maqsatına ireşü öçen ğısyançılar aldağı atnalarda üz höcümnären tağın da arttırır digän fikerdä tora. Alar Ğiraqnıñ yaña xakimiatenä ışanıçnı baştan uq kimetergä, anı yuq itärgä teli. Ämma Ğiraq xökümätenä, anıñ üzenä qarşı torğan köçlär belän köräşendä zur yardämne Berläşkän Millätlär kürsätä ala, di Xäzim Sağıy
Audio, Xäzim Sağıy
"Berläşkän Millätlärneñ häm küpmeder däräcädä Yevropa wä ğäräp illäreneñ qatnaşuı Ğiraqtağı säyäsi wäzğiatkä kiñräk qanuni nigez birä ala, moña ireşep terrorçılarnı tağın da nığraq çitläşterep bulır ide" di Londondağı "äl-Xäyät" basmasınıñ säyäsi küzätüçese.
Kärim Kamal