Cıyın - qorıltay bulıp ütärgä tieş ide, läkin xalıq az cıyılu säbäple, cıyılış bularaq qına ütte.Çaranı berlekneñ räise Räif Ämirov açtı häm 10 yılğa yaqın maxkämäläşü, şul çorda başqarılğan eşlär turında söyläde.Artaban ädäbiätnıñ janrları buyınça çığışlar tıñlandı.Proza üseşe mäsäläläre turında ädäbiät belgeçe Sufiän Safuanov çığış yasadı. Safuanov tatar prozasın çağıştırmaça yäş janr dip bäyäläde.Şağir Maris Näzirov tatar şiğriäte turında söyläde.Başqortstandağı tatar telle tänqit torışı turında ädäbiät belgeçe Säğidulla Xafizov telmär tottı.Ul bu ölkädä eşläwçelärne barladı, üseş tendensiälären bilgeläde , tänqit torışına bäyä birde. Fiker alışularda töp süz yazuçılarnıñ bu çarağa az kilü säbäpläre, berlek eşen canlandıru yulları turında bardı.Yazuçılarnıñ az kilüye alarnıñ räsmi tanılğan Başqortstan Yazuçılar berlege belän mönäsäbätlärne bozmaw öçen dip añlatıldı.Çara axırında doqumentlar qabul itelmäde.Respublik Prezidentına berlekneñ eşen canlandıru, finans yärdäm sorap möräcägät qabul itü kiräklege äytelde.Qorıltaynı közge aylarda uzdırırğa kileşende.
Başqortstan tatarları kongressı başqarma qomitet utırışı bulıp ütte.Anda başqarma qomitetnıñ Stärletamaq, Fedorovka häm Salawat bülekçäläreneñ räisläre xisabı tıñlandı.Stärletamaq bülekçäse räise İlşat Nasipov deputatlar saylawda zur eş başqaruların söyläde.Ul deputatlar tatar mänfäğätenä eşlärgä cälep itelüen bilgeläde.Artaban Fedorovka häm Salawat bülekçäläre citäkçeläre xisap tottı. Yazmalarnı Azatlıqnıñ çärşämbe tapşıruında tıñlağız.
Mönir Wafin,Ufa
Mönir Wafin,Ufa
