Accessibility links

Кайнар хәбәр

Salawat üz konsertlarınıñ serlären aça


Ber aydan, 12 avgustta, Qazanda tanılğan cırçı Salawat Fätxetdinovnıñ konsertları başlanıp kitäçäk. Bıyıl Salawat 15 yıllıq traditsiäsen özep, üzeneñ tamaşasın Kamal teatrı binasında tügel, ä Uniks konsertlar zalında täqdim itäçäk. Salawatnıñ UNİKSqa küçüe teatrda barğan tözekländerü eşläre belän bäyle. Bu xaqta ul 16 sezon konsertlarına bağışlanğan press-konferensiädä äytte. Salawat üzeneñ konsertlarınıñ programmasın jurnalistlarğa tulısınça söyläp birmäde. Läkin bu yulı da anıñ programması cırlardan ğına tügel, ä yumor, satiradan da toraçaq. Şulay itep, tatar estradasın yaratuçılarnı Salawat üzeneñ konsertlarında kötep qala. Bu yulı bilet bäyäläre 100 sumnan alıp 400 sumğa qädär bulaçaq.

Gölnaz İlgizär

XS
SM
MD
LG