Däwlät Dumasında Sember qalası wäkile yuk. Saylawçı ber genä kandidatka da ışanıç kürsätmäde. Xätta ike märtäbä. Buş urınnı tutırıp, çit-yat mäskäwle margarita Barjanova Sember xalqı turında qayğırtıp yöri: taşlamalarnı beterü buyınça xalıq fikeren öyränä.
Cawap birüçelärneñ kübese, Barjanova kebek ük, ciñelleklärne saqlap qalu yaklı. Läkin taşlamalarnı keşe azdıru yäki kimsetü çarası dip sanawçılar da bar. Annan soñ 1941-45-yılğı suğış veterannarı rätenä Çeçenstan suğışında qatnaşqan bixisap “veterannarnıñ” da östälüe şöbhäländerä. Ä alar arasında törlelär bar. Ber desantçı, mäsälän, üzeneñ niqaxsız “xatının” buıp ütergän häm monıñ säbäben xanımnıñ şpion buluı belän añlatqan. Xäzer anıñ belän psixologlar äñgämä alıp baralar, di. Monısı da ğacäp tügel: Çeçen xalqına qarata qılınğan wäxşileklär yaxşı bulğan keşene dä azdırırlıq iç.
