İnternettege tanıştıru säxifäläre ,zakaz buyınca kilen cibärü , internettağı dimläü , yauçı agentlıqları......alarnı niçek kenä atamağız, bu bik zur bizenes. Yözlärçä internet säxifäsendä üzenä tormış iptäşe ezlägän yalğız xatın qız turında datalar saqlana. Bu xatın qızlarnıñ bik zur öleşe Könçığış Yevropa , Aziä, Latin Amerika illärennän . İr at isä könbatış Yevropa yäki Tönyaq Amerikadan. Britaniä Matt Garrett üzeneñ rus xatının şundıy agentlıq aşa tapqan häm xäzer anıñ rus xatın qızın ezläwçelärgä bulışlıq kürsätkän side bar.adresı (www.russianbrides.co.uk)
Garret bolay di(audio)
bez 2001nçe yılnıñ ğıynuarında e-mail belän xabärläşä başladıq. Xatınımnıñ rus ahiräte britan irenä kievgä çıqqan häm Nottinghamda yäşi ide ul cäygä monda kilergä tieş ide. Min andağı tuğannar bäyrämenä qatnaşu öçen Nottighamğa bardım häm bulası xatınım belän şunda oçraştım Qalğanı inde ütkän ...tarix buldı. Yıraqtağı keşelär belän elemtädä bulğanda bergä bulğan waqıtlar bik çiklängän , qıyın bula.
Tanıştıru agentlıqlarınıñ eşe ber dä tärtipkä salınmağan , ämma bu xäl üzgäräçäk dip äytergä kiräk. AQŞlarında kongresmennär yaña qanun proyektı täqdim itte.Qanun ütsä çit il xatın qızı kiläçäktäge xeläl cifäteneñ ütkäneñ öyränä alaçaq Şundıy qanunğa närsä säbäp buldı soñ? Qırğıztannnan Anastasiä isemle ber qız internet aşa üzenä Amerikada ir tabıp kievgä çığa. Ämma Anastasia King amerikalı xelel cifäte tarafınnan üterelä. Bu turıda Amerika häm dönya mätbuğatı şaqtıy şaulap alğan ide üz waqıtında. Amerikada deputatlar kürsätkän inisitaivadan soñ Yevropada da şundıraq eşlär quzğalıp kitte. Yevropa Şurası parlamentarları iyün azaqlarına taba qabul itkän resolutsiädä äğza illärne öydäge här törle qollıqqa qarşı köräşergä çaqıra.Bu älbättä internettağı tanıştıru, dimläü agentlıqlarına qarıy häm qayber kiñäşlär birelä. Äğza illär bu agentlıqlarnı ışanıç sisteması aşa tärtipkä salıp minimum standartlar bilgelärgä teli. Agentlıqlar här kiev namzäteneñ ütkänen tikşerergä häm anıñ cinayätlärgä qatnaşmağan buluın belergä tieş bulaçaq. Yevropa Şurasınıñ kiläçäk cıyılışında ''mail belän zakas itelgän kilennär '' eşe keşe belän säwdä mäsäläse belän bergä qaralırğa tieş. Şuranıñ ir at xatın qız tängällege komitetı belän citäklägän Minodora Cliveti süzlärençä(audio)
mail belän zakas itelgän kilennärneñ qayçaqta ayrılışuı bik qıyın, çönki alar öyläneşkän illärendä ayrılğannan soñ tora almıy.Alar ildän çığıp kitergä kire üz watannnarına qaytırğa tieş bula. Şunlıqtan alar öydä här törle şartlarnı qabul itergä mecbür. Bu xatın qızlar ezärleklänä, telämägän eşlär eşlärgä mäcbür itelä, alarğa aqça birelmi, alar normal kievgä çıqqan xatın qıznıñ statusına iä bula almıy.
Bu tör agentlıqlarnı tänqitläwçelär , agentlıqlarnıñ qayberläre borınğı qıymmätlärgä ähämiät birgän könbatış ir- atına könçığış xatın qızları bik buysunuçan dip alarnı reklama itergä tırışa dip belderä. Könbatışta küplär moña zävksez, naçar eş dip qarasa da, yaqlawçıları bu agentlıqlarnı yabu öçen säbäp bula almıy di. Alar şulayuq agentlılar aşa iren tapqan xatın qız , normal yullar belän ğailä qoruçı xatın qızdan kübräk qurqınıç astında tügel digän qaraşta. Könbatış ir atı öçen çek xatın qızların tapqan qulğa –qul isemle agentlıqnı citäklägän Joe Weiner süzlärençä(audio)
Niçek itep sez dimläü eşlären rätkä sala alasız, mömkin tügel.Ägär dä sez dönyadağı barlıq öyländerü agentlıqlarınnan üzlärenä möräcäğät itkän keşelärneñ cinayät eşläp eşlämäwlären tikşerülären sorasağız, bu mömkin tügel. xatın qıznıñ mäğlümäten arttıru yaxşıraq idea bulır ide. Yäğni xatın qız viza , pasport alğança ul il turında fikere bulsa, agentlıqnı tikşersä, yäğni agentlıq başqa oyışmağa äğzamı , küpme waqıt eşläp kilä, minemçä şulay eşläw yaxşıraq bulır ide.
Nığıraq kontroldän bulası kilennär genä fayada kürmäs ide. Yevropa Şurasınnan Giuseppe Gaburro süzlärençä (audio)
Ul ilneñ watandaşı bulu öçen genä bu sistemanı qullanuçı häm bulğannan soñ yaña ğailäsen taşlap kitkän xatın qız da bar. Häm irlär häm dä xatın qız sistemanı yaxşı bulmağan mäqsatlar öçen qullana .Bez här ike yaqnıñ da naçar eşlären tuqtatu öçen eşlärgä tieşbez dip uylıybız.
Yevropa Şurasınıñ 45 äzğası nindi çaralar küräçäklären uylıy. İntrenet e-mael aşa tanışıp ğailä qorğan bäxätle bulğan keşelär dä yuq tügel . Min İstanbulda tanışqan yäş ber
tatar xanımı da xeläl cifäten internet aşa tapqan.İnternette partnör ezläw fikren siña kem birde digän sorauıma ul bolay dip cavap birde(audio)
feride xämit,praga
feride xämit,praga