Atnaqiç könne Başqortstanğa Törkiädän Metallçılarnıñ Xalıqara Yıvraziä federasísı prezidentı, «Törk Metal» hönär berlege oyışması başlığı Mostafa Ozbäk citäkçelegendäge wäkillek eş säfäre belän kilde. Älege transnasíonäl hönär berlege berläşmäse 20 millionnnan artıq keşene berläşterä ikän.Törkiä hönär berlege citäkçeläreneñ Başqortstanğa säfäre xaqında aldan uq mäğlüm ide. Şuña da anıñ programın centekle tözedelär.
Başqortstanğa säfäre barışında Törkiädän kilgän qunaqlar başqaladan tış, republíknıñ Nefteqämä häm Salawat şähärlärendä dä bulaçaq häm alardağı qayber ere şirkätlär eşçänlege häm urındağı hönär berlekläreneñ sosíal mäsälälärne niçek xäl itüe belän yaqınnan tanışaçaq. Comğa könne Mostafa Ozbäk citäkçelegendäge wäkillek Ufada Başqortstan Hönär berlekläre federasísı räise Ämirxan Sämirxanov belän oçraşa häm Başqortstan hönär berlekläre eşçänlege belän tanışa. Ä köndezge säğät unikedä alar bergäläp «Başinform» mäğlümat agentlığında jurnalistlar öçen matbuğat oçraşuı ütkärä.
Törkiä belän Başqortstan hönär berlekläre üzara xezmättäşlekneñ törle yulların cayğa sala başladı. Sosíal ölkädäge urtaq proektlarınnan bıyılğı eşläre isäbendä Başqortstannıñ ber törkem balalarınıñ cäyge yalın Törkiädä oyıştırunı, ä törek balalarınıñ yalın Başqortstannıñ Nefteqämä şähärendä oyıştırunı äytergä mömkin.
Başqortstanğa säfäre barışında Törkiädän kilgän qunaqlar başqaladan tış, republíknıñ Nefteqämä häm Salawat şähärlärendä dä bulaçaq häm alardağı qayber ere şirkätlär eşçänlege häm urındağı hönär berlekläreneñ sosíal mäsälälärne niçek xäl itüe belän yaqınnan tanışaçaq. Comğa könne Mostafa Ozbäk citäkçelegendäge wäkillek Ufada Başqortstan Hönär berlekläre federasísı räise Ämirxan Sämirxanov belän oçraşa häm Başqortstan hönär berlekläre eşçänlege belän tanışa. Ä köndezge säğät unikedä alar bergäläp «Başinform» mäğlümat agentlığında jurnalistlar öçen matbuğat oçraşuı ütkärä.
Törkiä belän Başqortstan hönär berlekläre üzara xezmättäşlekneñ törle yulların cayğa sala başladı. Sosíal ölkädäge urtaq proektlarınnan bıyılğı eşläre isäbendä Başqortstannıñ ber törkem balalarınıñ cäyge yalın Törkiädä oyıştırunı, ä törek balalarınıñ yalın Başqortstannıñ Nefteqämä şähärendä oyıştırunı äytergä mömkin.
