Accessibility links

Кайнар хәбәр

Qırgızıstan:qıyu ombudsman


Üzäk Aziädä bik az keşe prezident telägenä qarşı çığu qıyulığın kürsätä ala. Küpçelek räsmilär prezident yulınnan barunı mäqül kürä xalıq belän xakimiät arasında aradaşçılıq itkän ombudsmen dä ğädättä xakimiätneñ mänfäğäten yaqlıy. Ämma Qırğızıstanda ombudsmen Tursunbai Bakir Uulu xökümätkä qarşı qaraş fikerlärne dä kütärep çığarğa äzer

46 yäşlek Tursunbai Bakir Uulu 2002nçe yılnıñ 21noyäberennän birle ombudsman . Ul ildä berençe aradaşçı.. Üzäk Aziä illärendä xalıqnıñ räsmilär, militsiä turındağı şiqäyätlären beldergän ofis , aradaşçılar bulsa da, alarnıñ berse dä Qırğızstandağı ombuds man kebek aktiv tügel. Parlamentnıñ tübän palatası tarafınnan saylanğan Bakir Uulunun ofisı aqçasızlıq säbäple yabıla yazdı. Ofisnı yaqlauçı xalıqara oyışmalar problemanı çişü öçen baytaq basım yasadı . Ämma Bakir Uulu radiobıznıñ Qırğız bülegenä birgän ängämädä finans eşläre häm xalıqqa bulğan cawaplılığın bik yaxşı añlauın kürsätte(audio) Tursunbek Akun Qırğzıstannıñ tanılğan xoquq yaqlau aktivistı.Bakir Uulu belän Tursunbek Akun cämğiätneñ yaqlauçısı titele öçen köndäş bulsalar da , Akun Ombuds man turında bik zur xörmät belän söyläde(audio) Ombudsman pozitsiäse däwlätneñ ber buuını Tursunbai Bakir Uulu urınında xakimiät yaratuçı , ambitsiäle üzen qırğız xakimiätlärenä kürsätergä telägän beräw bulsa bälkim dä citäkçelär kampaniäsendä buludan bik tä läzzät tabar ide. Tursunbai alarğa ällä ni iärep yöremi.Alarğa bik tabiğıy möğämälä kürsätä, alarğa yaqınaymı Tursunbai Bakir Uulu uqutuçı, tarixçı fälsäfä doktorı, 91-nçe yılda Qırğıstan bäysezlegen alğannan soñ ul progressiv demokratik partiä - Erkin Qırğısıztan firqasınıñ citäkçese bula.95 wä 2000nçe yılda parlamentqa saylana.99nçe yılda Üzbäkstannan könyaq Qırğızstanğa ütep kergän üzbäk islamçı xäräkäte 4 yapon geologın totıq itep alğaç, Bakir Uulu alarnı irekkä çığıru eşendä baş rolne uynadı.Ombudsman bulğannan birle qatnaşqan mäsälälär säbäple ul kürşe illärdä postın küptän yuğaltqan bulır ide. AQş citäklägän koalitsion köçlärneñ Qırğıstan bazalarınnan torıp Äfganstanda operatsiälär oyıştıruına Bakir Uulu qarşı çıqtı, xökümät älbäättä üze telägänçe mäsäläne xäl qıldı .Ul Qırğızstan , yäki Üzäk Aziäneñ başqa illärendä İslamçı Xızb-ut Tahrir xäräkäten tıyu yäki äğzalaırn qulğa aluğa qarşı çığa. Xäräkät islam däwläte oyıştırunı yaqlasada, ul köç qullanuğa qarşı.Aprel ayında Üzbäkstanda 47 keşe häläk bulğan insidenttan soñ Üzbäk xökümäte köç qullanu öçen Hezb-ut Tahrirnı ğäyepläp çıqtı. Bakir Uulu ul çaqta bolay digän ide(audio) Hezb-ut Tahrir köç qullanmıy :min üzbäk opozitsiä partiäse Erkneñ citäkçese Möxämmäd Salixnıñ Üzbäkstanda här närsä tıyıla , xalıq ezärleklänergä däwam itsä , xalıq bälkim dä köç qullanu çaralarına kereşäçäk digän fikere belän kileşäm.Bu aksioma, bu fikerne isbatlarğa kiräkmi.99nçe yılda Taşkenttağı höcümne Hezb-ut Tahrir eşlägäne isbatlanmadı.Şulayuq 1999nçe yılda Almatadağı şartlauda isbatlanmadı.Min Bişkektäge törmälärdä buldım, şulayuq Hezb-ut Tahrir belän bäyleneşle cinayät dokumentların tikşerdem , Anda bernindi dälil yuq, şiklär genä bar ide. Hezb-ut Tahrir Qırğızstan, Tadcikstan häm Üzbäkstanda tıyılğan buluğa qaramastan Bakir Uulu anıñ äğzaları ezärleklänmäskä tieş di . Ul şulayuq opozitsiä citäkçese Feliks Kulovnı irekkä çığarırğa çaqıra. Kulov, Qırğızıstannıñ eleke vitse prezidentı , gubernator, milli iminlek citäkçese häm Bişkäk mere bulıp torğan şäxes.2001nçe yılda aqça urlağan digän ğäyep belän törmägä yabıla. Ämma Kulovnı yaqlawçılar ul prezident Akayevqa ciddi köndäş ide dip äytä.Üzbäkstanda da ombudsman bar. Sayyora Raşidova, Üzbäkstan kommunistlar partiäseneñ eleke citäkçese Şaraf Raşidovnıñ qızı. Ämma Raşidovanıñ ofisına kerergä tırışuçılarnı militsiä şunduq qulğa ala ikän. Qazaxstanda Bolat Baikadamov isemle şäxes aradaşçı bulıp torsa da bik az keşe anı belä ikän. Anı tınıç, qarşılıqlarğa kerergä yaratmağan şäxes dip taswirlıylar. Törkmänstanda keşe xoquqları öçen prezident üzäge bar. Ämma xalıqara oyışmalar,prezident Niyazov xoquq häm mätbuğat ireklegenä in zur kirtä bulıp tora dip äytä.

färidä xämit,praga
XS
SM
MD
LG