Mäskäw. Biregä räsmi säfär belän kilgän Xöşyar Zöbari, Ğiraqnıñ tışqı eşlär ministrı, Bagdad Rusiäneñ Ğiraqqa üz ğäskärlären cibärüen telär ide dip belderde, läkin Mäskäw üzendä andıy plannarnıñ bulmawın qabatladı. Zöbari şulay uq, Ğiraq il iqtisadın torğızu eşendä Rusiä belgeçläreneñ qatnaşuın da teli dip östäde. Rusiä tışqı eşlär ministrı Sergey Lavrov, Mäskäw Ğiraqqa ğäskär cibärergä uylamıy, läkin ul Bagdadqa başqaça - säwdä wä iqtisadi xezmättäşlekne nığıtu, Ğiraqqa belgeçlär äzerläw, anıñ tışqı burıçın kiçerü aşa yardäm itärgä äzer tora dip belderde. Lavrov süzlärenä qarağanda, bolar barısı da ähämiate yağınnan, Ğiraqtağı xalıqara köçlärdä qatnaşudan kim bulmayaçaq.
