Accessibility links

Кайнар хәбәр

Tatspirtprom kem qulına qalır?


Tarixi häykällärgä bay Qazan kremlendä qurqınıç närsälär dä kilep çığa ikän. Qol Şärif mäçetendä eşläwçe törek tözüçeläre Qazan kremlendä qoral tapqannar. Tabıldıqlar arasında granatalar, granatometlar, Kalaşnikov avtomatına küpsanlı patronnar bar. Älege köndä qorallar Kreml tiräsennän çığarılğan häm tikşerü eşläre başlanğan. Läkin tikşerüçelär älege qurqınıç tabıldıqlarnı terroristlar yäki cinayätçelärneke tügel, ä elek bu urında urnaşqan xärbi çastneke, dip sanıy. Tatarstanda zur şirkätlärne xosusıylaştıru tämamlanıp kilä. Ağımdağı yılnıñ axırına qädär xäzerge köndä däwlät milegendä bulğan 11-12 öre predpriätieneñ yazmışı xäl iteläçäk. Bu xaqta jurnalistlar belän oçraşuda respublikanıñ Cir häm milek mönäsäbätläre ministrı Valeriy Vasil’yev xäbär itte. Alar arasında Alabuğa ciñel avtomobil’lär zavodı, Qazannıñ Gorbunov isemendäge aviatsiä şirkäte, Tatspirtprom berläşmäse häm başqalar bar. Qazanda tağın ber metro tözü kompleksı eşkä kereşte. Bu metro qazuçı inde 6 kompleks. Alma-Atadan kiterelgän älege cihaz üzeneñ çit illärdän qaytarılğan kollegalarınnan küpkä yünräk bulsa da, anıñ eş başlawın da Qazanda tantanalı räweştä bilgeläp üttelär. Ul cir astınnan yulnı Amet’evo stansiäsenä qädär salırğa tieş.

Gölnaz İlgizär

XS
SM
MD
LG