Accessibility links

Bädräf käğäze “qissası”


Bu yäkşämbe könne Qazan şähäreneñ “Okean” tuqtalışında da “Mäskäw bazarı”nda da , ğomumän, şähär buylap ap-aq törgäklär eçendä keşe şaqqattırırlıq närsälär sattılar. Anıñ yanına yaqınraq barıp qarasañ ber dä huş kitärlek närsä yuq ikän , tik bu bädräf käğäzeneñ bäyäse 2 sum 80 tien ikän. Keşelär yığılıp kitep aldılar.Ä käğäzdä yazılğan süzlärne uqıp qarasağız , rusçası:“Bumağa iz Kazani” diep yazılğan, ä tatarçası :“Kazadan tualet käğäze”diep yazılğan. Käğäz yasawğa zakaz birgän “Stelz” açıq aksionerlıq oyışmasınıñ adresı da telefonı da kürsätelgän. Bez alarğa :.“Ni öçen bädräf käğäze Qazadan”,- dip iğlan itelü turında sorap, “Stelz”qa şaltırattıq. Oyışmanıñ citäkçese äytüençä, alarğa bu bädräf käğäze törelgän tışlıqnı Tübän Novgorod şähärendä yazıp birgännär ikän.Şul säbäple bu oyışmanıñ kommersiä citäkçese Sergey Gomijev qazanlılardan häm tatarstanlılardan ğafu ütenä.Dimäk, Qazannan”süze urınına “Qazadan” dip yazunıñ xata ikänlegen käğäz citeşterüçelär añlağan, yalğış tözätelä. Säwdä noqtalarında , reklamalarda tatarça yazularda xatalar bulmasın öçen nindi çaralar kürelä soñ?,- digän soraw belän Tatarstannıñ qullanuçılar mäğlümat üzägenä möräcäğät ittek. Anıñ citäkçese Älfinur Latıypova menä närsälär dide. “Bezneñ üzäk 1998 yıldan birle eşli. Bez citeşterüçelärgä mäğlümat kenä birä alabız. Ämma bezneñ alarnı cawapqa tarttırırğa xoquqıbız yuq.Zakon bar , ämma zakonnı ğämälgä aşıra torğan oyışma da yuq, häm mexanizm da eşlänmägän”. Bu waqiğadan şul açıqlana: bügenge köndä Tatarstanda produkt äzerli torğan oyışmalarğa tovarlarğa tatar telendä dä döres itep isem birergä yärdäm itüçe kadrlarnıñ citeşmäwe açıqtan açıq kürenä. Produktsiä citeşterüçe oyışma citäkçeläreneñ teläkläre, häm qullanuçılarnıñ xoquqları ütälsen öçen bügenge köndä milli kadrlarda moxtaclıq bik zur.Tatarstan xökümäte qarşındağı “Tatarstan respublikasınıñ xalıqları tellären saqlaw” bülegeneñ citäkçese Kim Miñnullinnıñ fikeren dä tıñlağız. “2004-2013 yılğa qädär bulğan respublikada yaña programma qabul itelep kilä.Bu programmada ike tellekne ğämälgä aşıru mexanizmnarın buldıru qaralğan”,-dide ul. Bügenge köndä xatalı äyberlär kürensä dä , aldağı köndä inde Tatarstannıñ başqalası Qazan şähärendä uramnarda da kibetlärdä dä tovarlar da tatar telendä yazılğan xatalı yazular, kimergä tieş. Tatar telen döres qullanmağan öçen cawaplılıqqa tarttıru mexanizmı äle haman eşlänmägän. Şulay uq mömkin bulğan qädär tatarça yazular yazıla, qaywaqıt xatalar da cibärelä alarnı tözätep tä bula. Ä iñ möhime - tellärgä tigez qaraş kürsätergä niät bulğanda, teläk bulğanda, barısına da ireşergä mömkin. Qazan şähärendä iğtibar belän qarasañ, äle küp kenä tovarlarda tatarça yazılmağannarı da citärlek.Başta belderüebezçä bädräf käğäze “Qazadan” dip yazğan “Stelz”oyışması ğafu ütende. Dimäk alar tarafınnan başqaça mondıy xäl bulmayaçaq.Ä bötenläy tatarça yazmağannarı ğafu ütenep tä mäşäqätlänmi. Mälikä Basıyr, Qazan .

XS
SM
MD
LG