Ğiraqnıñ waqıtlı prezidentı Ğazi Äl-Yawar kürşe İrannı Ğiraqnıñ eçke eşenä qatışmasqa çaqırdı. Anıñ fikerläre bügen Misır xökümäte tarafınnan çığarılğan Äl-Ahram gäzitendä dönya kürde. Uzğan atnada räsmi Tähran Ğiraqta şiği suğışçılarğa qarşı köräşkän amerikan xärbilären möselmannar öçen izge urınnarnı saqlarğa çaqırğan ide. Ğiraqnıñ Saqlanu ministrı Hazim Äl-Şalan İran räsmilären "Ğiraqta demokratiäne üterü" niätendä ğäyepläde. Bügen Misır gäzitendä Ğiraq prezidentı, "Bagdad Tähran belän dustanä mönäsäbätlär urnaştırırğa teli" digän süzläre belän Saqlanu ministrı belderüen yomşartırğa tırışa.
