Accessibility links

Кайнар хәбәр

Qazanda Milli aşlar könnäre ütä


Qazannıñ meñyıllığına äzerlek qısalarında bu arada şähärdä bik qızıqlı çara uza. Başqalanıñ kafe, aşxanälärendä Milli aşlar könnäre ütä. Qazanda älege çara bıyıl inde 4 märtäbä ütä häm 26 avgustqa qädär däwam itäçäk. Milli aşlar könnären Qazannıñ Säwdä häm cämäğät tuqlanu idäräse 2001 yıldan başlap Qazan şähäre xakimiäte başlığı urınbasarı qararı nigezendä oyıştıra. İdärä citäkçese urınbasarı Polina Mavrina fikerençä, Qazannıñ meñyıllığına kilgän här qunaqnıñ şähärneñ cämäğät tuqlanu urınnarında üzeneñ yaratqan milli rizığın aşarğa mömkinlege bulırğa tieş. Şuña da, alar inde xäzerdän ük şähärneñ kafe, restoran, aşxanälärneñ peşekçelären moña äzerläp quyarğa bulğannar. Ä Qazannıñ Säwdä häm cämäğät tuqlanu idäräseneñ analiz häm oyıştıru bülege citäkçese Rämziä Xacieva bu çara turında menä närsälär söyli.

Bu milli aşlar könnärendä şähärneñ bar törle cämäğät tuqlanu oyışmaları qatnaşa. Älege çara şähär köne, Qazannıñ meñyıllığına äzerlek räweşendä ütä. Monda qatnaşıp alar üzläreneñ kafe, restorannarında äzerlänä torğan aşlarnıñ assortimentın kiñäytälär, qullanuçılarnı Tatarstanda yäşägän küpsanlı millätlärneñ rizıqları belän tanıştıralar

Qazanda uza torğan Milli aşlar könnäre qısalarında ital’yan, alman, çex häm başqa çit il azıqları belän genä tanışırğa tügel, ä yaxşı tanış bulğan tatar, rus, başqort, xätta çuaş milli aşların da awız itep bula, dide Rämziä Xacieva. Şulay itep, Qazannıñ yubileyına kilgän qunaqlar tatar xalqınıñ milli aşların da tämläp qarıy alaçaq, dip ışanası kilä. Çönki xäzerge köndä Tatarstan başqalasında berdänber-ber Çäy yortınnan başqa tatar kuxnyasın täqdim itüçe restoran yäisä aşxanä yuq. Läkin, Rämziä Xacieva süzlärençä, menyuda barı tik milli rizıqlarıbız ğına bulğan tuqlanu urınnarı bulmasa da, Qazannıñ 200dän artıq kafe, restoranında tatar aşların alıp bula. Ä älegä şähärneñ meñyıllığına ital’yan yä üzbäk kuxnyalı restorannan rätendä bälki milli bizäleşle tatar aşları restoranı da açılır, dip ömetlänergä genä qala.

Gölnaz İlgizär

XS
SM
MD
LG