Ğiraqnıñ Nacaf şähärendä inde 6nçı kön şiğilär yulbaşçısı Moqtada as-Sadr köçläre belän bäreleşlär däwam itä. Amerikan ğaskärläre cirle xalıqnı şähärdän kitergä çaqırdı. Bäreleşlär bügen şulay uq Sadr şähärendä buldı. Ğiraqnıñ üzäk töbägendäge Wasit provinsiäsendä Rumaythah şähäre aşa ütep barğan Ukraina ğaskärläre qarawılına ut açılğan. Bu xaqta Polşanıñ xärbi çığanaqları xäbär itte. Ğısyançılar yul buyına şartlatqıçlar quyğan bulğan häm maşinağa ut açqan. Atışlarda 4 ğısyançı hälak bulğan. Ukrain xärbiläre arasında yuğaltular yuq, dip xäbär itelä. Bağdadtan könyaqkönçığışqa taba 150 çaqrımda urnaşqan Numaniyah şähärendä ukrain qarawılına bulğan höcümdä – 3 sivil Ğiraqlı yaralanğan.
Ukraina prezidentlığına oppozisiä namzäte Viktor Yuschenko – ilbaşı bulıp saylansa – Ğiraqtan Ukraina ğaskärlären çığarırğa wağdä itä. Polşa ğaskärläre citäkçelegendä Ğiraqta 1 meñ 600 ukrain xärbie xezmät itä. Ğiraqta totıq itep alınğan 2 yordanlı, Livannnan 2 maşina yörtüçese, häm ber yordanlı eşquar kiçä azat itelgän. Yordaniä watandaşlarınıñ azat itelüen Yordaniäneñ tışqı eşlär ministrlığı häm totıqlarnıñ tuğannarı da rasladı. Şulay uq totıq itep alınğan tağın ber yordanlı eşquar öçen keşe urlawçılar 250 meñ dollar aqça sorıy. Jamal Sadeq as-Salaymeh kiçä üzeneñ Bağdadtağı öyennän urlanğan bulğan. As-Salaymeh, Bağdadtağı Yaponiä şirkäte öçen eşlägän.
Ukraina prezidentlığına oppozisiä namzäte Viktor Yuschenko – ilbaşı bulıp saylansa – Ğiraqtan Ukraina ğaskärlären çığarırğa wağdä itä. Polşa ğaskärläre citäkçelegendä Ğiraqta 1 meñ 600 ukrain xärbie xezmät itä. Ğiraqta totıq itep alınğan 2 yordanlı, Livannnan 2 maşina yörtüçese, häm ber yordanlı eşquar kiçä azat itelgän. Yordaniä watandaşlarınıñ azat itelüen Yordaniäneñ tışqı eşlär ministrlığı häm totıqlarnıñ tuğannarı da rasladı. Şulay uq totıq itep alınğan tağın ber yordanlı eşquar öçen keşe urlawçılar 250 meñ dollar aqça sorıy. Jamal Sadeq as-Salaymeh kiçä üzeneñ Bağdadtağı öyennän urlanğan bulğan. As-Salaymeh, Bağdadtağı Yaponiä şirkäte öçen eşlägän.
