Accessibility links

Кайнар хәбәр

AQŞları Nacafta zur xärbi höcüm başlattı


AQŞ xärbiläre şığı ruxanisı Muqtada al Sadrqa turılıqlı suğışçlarnıñ qarşılıq kürsätüen cimerü mäqsatında bügen Nacaf şährendä zur höcüm operatsiäse başlatıp cibärde. Nacaf häm şığılarnıñ başqa şähärlärendä AQŞ belän Sadr köçläre arasında ber atnadan birle däwam itkän bäreleşlärdä yözlärçä keşe häläk buldı, yaralandı

Bügen irtän Nacafta Amerikan boralaqları ut açtı (audio) AQŞ köçläre Muqtada al-Sadrnıñ Mähdi suğışçlarına qarşı koordinatsiälägän operatsiä başlatıp çbärd.Kiçä AQŞ komandirları Nacaf üzägendä urnaşqan İmam Ali ğıybadätxanäse tiräsendä yäşäwçe xalıqnı öylären buşatırğa çaqırdı.Amerikan tankları bügen ğıybadätxanägä barğan barlıq yullarnı yapqan. İmam Ali Ğıybadätxanäse yanındağı Sadr suğışçıları yäşrengän zur zirat tiräse bügen irtän boralaq häm tup utına totıldı . Xalıqara köçlärneñ dä qatnaşqan bügenge operatsiä turında amerikan komadirları izge urınnarğa zarar kitermäskä tırışaçaqbız dip äytep quydı.Leytinant polkovnik Jim Rainer(audio) bez Nacaf tiräsendä alıp barğan xärbi operatsiädä mäçit tiräsendä bik saqlıq belän xäräkät itäbez, zian kitermäskä tırışabız. Bez monda Nacaf gubernatorınıñ sorauına esasän qanun häm tärtip urnaştru öçen kildek dip belderde. Amerikannar höcümneñ mäqsatı Sadr suğışçları territoriäsen keçeräytü alarnı ber niçä urında poçmaqqa qıstırıp birelergä mäcbür itü yäki yuq itü dip äytte. Ämma bäreleşlär kiskennäşep kitkännän soñ Nacaf gubernatorınıñ ikençe urınbasarı Jawdat Kadim AQŞ häcümenä protest belderep çigende. Kadim süzlärençä(audio) İzge Nacaf şährendä mätbuğat wäkilläre aldında çigenüemne belderäm , terror aktın,Nacaf şähren häm izge İmam Ali ğıybadätxanäsen bombalauını xökem itäm. Min şul säbäptän urnımnnan kitäm häm okupatsion köçlärneñ barlıq terror aktların xökem itäm. Kiçä Nacafta al Sadr yardämçese şeyx Axmäd al Şaybani ğıysayançı ruxanınıñ belderüen uqıdı(audio) Min (al Sadr ) mine qulğa alsalar yäki şäxit bulsam okupatsion köçlärgä qarşı suğışnı däwam itterüegezne telim Sadrnıñ başqa ber yardämçese Şeyx Asssad al-Basri amerikannar höcüm başlatsa , Basrağa totaşqan ütkärgeçne şartlatu belän kisätkän ide. Nacafqa höcüm oyıştırıluı turındağı xabär Ğıraqnıñ Bagdad , Basra kebek başqa şähärlärendä meñnnärçä şığınıñ uram demonstratsiälärenä säbäp buldı (audio) Basrada demonstrantlar ozak yäşä Sadr , Amerika häm premyer Allawi kafırlar, imansızlar digän şiğarlar qıçqırğan .Şığılarnıñ ölkän ruxi citäkçese ayatolla Ali al Sistani Londonda xästäxänädä, Ul süzçese Murtada al Kaşmiri aşa Nacaftağı xällärgä borçılu beldere taraflarnı izge urınnarğa xörmät kürsätergä çaqırdı. Ütkän kiçne AQŞnıñ hava höcümnäre oyıştırğan Kutta Sadrğa turılıqlı köçlär belän Ğıraq politsiäse arasındağı bäreleşlär däwam itä dip xabär itelä.Anda 72 keşe häläk buldı, 148 keşe yaralandı dip belderde Ğıraqnıñ sälämätlek saqlau ministırı.Nacafta barğan bäreleşlärgä qarata xalıqara reaksiä bik az. İran xökümäte genä AQŞnıñ höcümen xökem itte.

färidä xämit,praga
XS
SM
MD
LG