Gruziä parlamentı üzeneñ aşığıç utırışında belderü qabul itte. Anda gruzin osetin nizağı töbägendä rusiäneñ tınıçlıq köçläre üzläreneñ mandatların tuqtatırğa tieş dielä. Qararda äytelgänçä, Rusiä anda “tınıçlıq saqlawçı, yäisä aradaşçı tügel, ä ber yaqnı yaqlí”.Bügen, atışlar däwam itkän töbäktä, nizağnı cayğa salunıñ Qatnaş kontrol' törkeme üzeneñ äşen qabat başladı. Kiçä Gruziä Qönyäk Osetiädä kisken naçarlanğan xälne cayğa salu öçen xalıqara cämäğätçelekne aradaşçılıqqa çaqırdı. Rusiäneñ tışqı äşlär ministerlığı töbäktä başqalarnıñ da buluı kiräk tügel dip saní. Könyaq Osetiä başlığı Äduard Qoqoyto, anıñ republígında, Gruziä premier ministerı Zurab Jvaní qortejına, atu turındağı xäbärne provokasí dip belderde. Qoqoyto süzlärençä, Äredwi awılı, aldanraq premier qortedjına anda atqannar dip xäbär itelgänçä, Gruziäneñ Äçke äşlär ministerlığı köçläre küzätüendä. Tbilisi bu döres bulmağan xäbärne töbäktä kiñ külämle xärbi xäräkätlär başlaw öçen qullanırğa mömkin, dide Qoqoyto.
