Amerikan ğaskärläre şigilär başlığı Moqtada Äs Sadr köçlärenä qarşı operasínı waqıtlıça tuqtatı. Ğíraq xakímítları qan qoyunı tuqtatu öçen söyläşülär alıp bara. Äs Sadrnıñ yärdämçese Abdl' äl Darací ğíraq xalqına möräcäğät belän çıqtı. “Min böten ğíraqlılarnı Nacafqa barırğa häm anda şigilär izgese imam Ali mawzoleyen saqlap qalu öçen tere qalqan yasarğa çaqıram”. dide Äs Sadrnıñ yärdämçese. Amerikan ğaskärläreneñ operasísı waqıtında Äs Sadrnı yaralanuı turında xäbär taralğaç Bağdatta anıñ tarafdarları uram yöreşe ütkärde. Ğíraq xakímítları şigilär başlığınıñ yaralanuı turındağı xäbärne kire qağa. Ğíraqnıñ Basra şähärendä britan jurnalistın totıq itep alağan ğísyançılar, ägär dä koalísí köçläre Nacafqa xöcümne tuqtatmasa, anı cäzalap üterü belän yaní. “Sandi Telegraf” ğäzetısı jurnalistı qunaqxanädä üz bülmäsennän urlandı. Cirle telewidenie totıq söylägän wideo yazmanı kürsätte. “Min jurnalist. Min barı tik Ğíraqta ni bulğan turında ğına yazam. Min “Sandi Telegraf”tan Djeyms Brendon”. Bu wideo yazmadağı jurnalist süzläre ide. Yazmada anıñ belän bergä basıp torğan bitlek kigän keşe dä bar. Ul bolay dip belderde: “Bez amerikannardan üz ğaskärlären 24 säğät äçendä Nacaftan alıp çığuların taläp itäbez. Ägär dä yuq ikän, bu keşe ütereläçäk”.
