Accessibility links

Кайнар хәбәр

Nacafta al-Sadr xökümätneñ ultimatumın kire qağa


Ğıraq xökümäte Nacafta şığı ğıysyançılarınıñ başkütärüen beterü yaqınlaşıp kilä dip belderde. Xökümät, şığı ruxanisı Muqtada al-Sadr suğışçıların qoralsızladırıp İmam Ali ğıybadätxanäsennän çığıp kitmäsä höcüm itü belän kisätte. Ämma Al-Sadr kiñäşçese, ruxani taläplärne kire qağa dip belderde.

Ğıraqnıñ däwlät ministırı Qasim Daud Nacafta ütkärgän mätbuğat konferensiäsendä,bälkim dä al-Sadr sonğı säğätlären yäşi dip äytkän ide.Daud süzlärençä , xökümät barlıq tınıç çaralarnı qullanğan , ruxani birelmäsä '' xäl itkeç xärbi çarağa''äzerbez . Bu sonğı ultimatum. Daud süzlärencä(audio) Muqtada al-Sadr Mäxdi suğışçıların taratuın press-konferensiädä şäxsen iğlan itergä tieş.Qorallı suğışçılarnı taratu töp mäsälä.Şunlıqtan bu turıda yardämçeläre tügel ä ul üze belderergä tieş. Daud tağı al-Sadr kiläçäktä köç qullanmıyacağın häm Mäxdi armiäse oyıştırğan barlıq mäxkämälärne tarataçığın yazulı räweştä belderergä tieş dide.Ämma Daudnıñ şuşı süzlärennän soñ , Sadrnıñ ölkän yardämçese ğıybadätxanädä jurnalistlarğa ğıysyannı tuqtatu öçen xökümät quyğan taläplärne ruxani kire qağaçaq dip belderde. Nacafta şulayuq Sadrnıñ nığıtması sanalğan Bagdadtta al Sadr bistäsendä şartlawlar işetelde.Sadr bistäsendä üzen Möxämmäd dip tanıtqan beräü radiobıznıñ Ğıraq bülege xabärçesenä , amerikannar çärşämbedä häcüm itep al Sadrnıñ Mähdi suğışçılarınıñ 50sen ütergännän soñ, wazğiät äle tınıç dip söylägän Möxämmäd(audio) tirä yaqta amerikannarnıñ bik küp tank, BTRları tora.Alar al-Sadr bistäseneñ kereşendä häm eçtäge uramnarda urnaşqan. Şığı suğışçları küzdän yuğaldı, belgänegezçä Mäxdi suğışçları Sadr şähärendä yäşäwçelär , alar qoralların taşlap ,öylärenä kerep utırdı dip söyläde. Nacafta ministır Daud al-Sadr häm suğışçları sıyınğan İmam Ali ğıybadätxanäsen irekländerergä wäğdä itte. Ämma Daud şığılarnıñ in izge urınına höcüm oyıştırılaçaqmı moñı äytmäde. Andıy höcüm, bigräk tä amerikan köçläre qatnaşlığında yasalsa , ilneñ küpçelek xalqı şığılar arasında bik zur ğıysyanğa säbäp bula ala. Ğıraq saqlanu ministırı al Şaalan çärşämbedä al-Sadrğa şunduyuq ultimatum quyğan ide.Sadr ğıysyannı tuqtatırğa kileşsä dä, soñraq suğışçıları çığıp kitkänçe atışlarnı tuqtatu köçke kerergä tieş dip soradı. AQŞ räsmiläre Sadrğa şiklänep qarıy. President Bushnıñ iminlek mäsälälärendäge kiñäşçese C.Rice amerikan televidiniäsenä ''minemçä bez Sadrğa ışana almıybız,Bez süzlär genä tügel ä ğämäl kürergä telibez''dip söyläde. AQŞ xärbiläre Nacafta 2 atna barğan başkütärü waqıtnda yözlärçä ğıysyançını üterdek dip däğwä itsä dä, suğışçılar sannarnı kimräk kürsätä.Bu ayda Nacafta 10amerikan soldatı üterelde .Al Jäzirä televidiniäse üzen''şäxitlär brigadası'' dip atağan ğıysyançı törkem amerikan jurnalistı Garennı totıq itep aldı, AQŞ köçläre 48säğät eçendä Nacaftan çığıp kitmäsä anı üteräçäklär dip xabär itte häm räsemnären kürsätte. Şaxitlär äytüenä kürä Garen comğa könne Nasiriyä şährendä urlanğan.36yäşlek jurnalist Ğıraqta borınğı şähärlärneñ talanuı turında mäğlümät cıyğan.

färidä xämit,praga
XS
SM
MD
LG