Britaniä tışqı eşlär ministrı Jack Straw bügen Sudannıñ Darfur provinsiäsendäge qaçaqlar yäşägän urında buldı. Qara tänle qaçaqlarnı ğäräp qorallı törkemnäre terror astında tota. Bu qaçaqlar lağerında üz öylärennän kitkän 55 meñgä yaqın keşe yäşi. “Keşelär äytep betermäslek iza çigä. Alarnı üterälär, alar tuğannarın häm yaqınnarın yuğalta, alar awırıylar häm yaralardan azaplanalar. Balalarnıñ kübese, tuydıruçıların yuğaltqanğa çiktän tış yabıqqan. Şuña kürä xäzer bezneñ töp maqsat alarnıñ ğazaplanuların tasfirlaw tügel, ä çaralar kürü”, dide Britaniä tışqı eşlär ministrı. Straw, provinsiädäge humanitar krizisnı cayğa salu eşendä alğa kiteş bar, ämma xökemät kübräk eşli alğan bulır ide, dide. Sudan xakimiätläre belän söyläşülärdä Straw, Darfurda tınıçlıq urnaştıru eşendä Britaniä finans yärdämendä qatnaşırğa äzer, ämma üz ğäskärlären anda cibärergä cıyınmıy, dip belderde.
